गेल्या काही काळात अनेक लोक ऑनलाईन जुगाराच्या विळाख्यात सापडत चालले आहे. यातून पैशांचे गैर व्यवहार, फसणवूक, चोऱ्या आणि गुन्हेगारी वाढायला हातभार लागत आहे. आशात ठाण्यातील भिवंडी तालुक्यातून एक धक्कादायक घटना समोर आली आहे.

येथे ऑनलाइन जुगाराचे (Online Gambling) व्यसन लागलेल्या एका व्यक्तीने एका 74 वर्षीय महिलेच्या घरातून सोन्याची चोरी करत तिची हत्या केली. इतकेच नव्हे तर त्याने याचे पुरावे नष्ट करण्यासाठी पीडित महिलेचे घरही पेटवून दिले होते.

दरम्यान या प्रकरणी आता भिवंडी पोलिसांनी आरोपीला अटक केली आहे. ही घटना 14 ऑगस्ट रोजी घडली असल्याची माहितीही पोलिसांनी दिली आहे.

या प्रकरणातील आरोपी अभिमन्यू गुप्ता याने पीडित महिला सेवामरी ऑगस्टिन नाडर एकट्या असताना त्यांच्या घरी घुसला. त्याने घरात घुसल्यानंतर आधी पीडितेवर हल्ला करत तिचा गळा चिरला आणि घरातील सर्व सोन्याचे दागिने चोरले. यानंतर आरोपीने सर्व पुरावे नष्ट व्हावेत यासाठी घराला आगही लावली. यानंतर आम्ही आरोपीचा शोध सुरू केला तेव्हा तो आम्हाला ठाणे येथील एका लॉजवर सापडला. आम्ही त्याला शनिवारी अटक केली असून, त्याच्यावर खून आणि इतर कलमांतर्ग गुन्हा दाखल केला आहे,” असे पोलीस अधिकाऱ्याने सांगितले.

पोलीस अधिकाऱ्यांनी या प्रकरणाचा आणखी खुलासा करताना पुढे सांगितले की, "या गुन्ह्याचा तपास करताना असे समोर आले की, आरोपीला ऑनलाइन जुगाराचे व्यसन होते. यामध्ये आतापर्यंत त्याने 2 लाखांहून पैसे गमावले होते, त्यामुळे त्याने पीडित महिलेच्या घरी चोरी करत पीडितेचा खून केला आहे."

"आरोपी अभिमन्यू गुप्ता पीडितेचा मुलागा चालवत असलेल्या डेअरीमध्ये कामाला होता, त्यामुळे त्याला पीडित महिला आणि तिच्या घराची संपूर्ण माहिती होती," असेही पोलिसांनी स्पष्ट केले.