पनवेल, एक असं शहर ज्या शहरातून दररोज काहीना काही गुन्ह्याच्या बातम्या दररोज समोर येतायत. कधी पित्यानेच आपल्या मुलाचा घोटलेला गळा किंवा पत्नीचा खून केलेला खून तर कधी पत्नीचा खून. अशीच आणखी एक धक्कादायक बातमी पनवेल मधून समोर येताना पाहायला मिळतेय.   

तळोजा घोटकॅम्प येथील नागझरी गावात गांजा या अंमली पदार्थाची विक्री करणाऱया दाम्पत्याला परिमंडळ-2 मधील अंमली पदार्थ विरोधी विशेष पथकाने अटक केली आहे. अशोक म्हात्रे आणि वत्सला म्हात्रे असे या दाम्पत्याचे नाव असून पोलिसांनी या दोघांजवळ असलेला 3 किलो 600 ग्रॅम वजनाचा सुमारे 25 हजार रुपये किंमतीचा गांजा जफ्त केला आहे. 

आणखी वाचा : अमली पदार्थांची बॅटमधून तस्करी

तळोजा येथील नागझरी गावात रहाणारे दाम्पत्य आपल्या घरातून गांजाची विक्री करत असल्याची माहिती परिमंडळ-2 मधील अंमली पदार्थ विरोधी विशेष पथकाला मिळाली होती. त्यानुसार शनिवारी दुपारी 3 वाजण्याच्या सुमारास सहाय्यक पोलीस निरीक्षक राहुल सोनवणे व त्यांच्या पथकाने नागझरी गावातील घर नंबर-506 या संशयीत घरावर छापा मारला असता, सदर घरातील दाम्पत्याकडे असलेल्या चॉकलेटी रंगाच्या पिशवीमध्ये 3 किलो 120 ग्रॅम तर पांढऱया रंगाच्या फ्लॅस्टीक पिशवीमध्ये 500 ग्रॅम आंबट व ओलसर व कोरडा गांजा आढळुन आल्याने सुमारे 25 हजार रुपये किंमतीचा गांजा जफ्त केला.

#HopeOfLife : तंबाखूमुळे होणाऱ्या कर्करोगाच्या प्रमाणात 65 टक्‍क्‍यांची वाढ 

त्यानंतर विशेष पथकाने गांजा विक्री करणाऱया दाम्पत्यावर तळोजा पोलीस ठाण्यात एनडीपीएस कलमान्वये गुन्हा दाखल करुन दोघांना अटक केली. 

WebTitle : panvel couple arrested with 3 kg 600 grams of drugs