मुंबई: पनवेल पालिका हद्दीत कोरोना रुग्ण संख्या कमी झाली होती. मात्र फेब्रुवारी महिन्यापासून कोरोना रुग्ण संख्येत वाढ होताना दिसत आहे. गेल्या 13 दिवसात पालिका हद्दीत 451 व्यक्तीला कोरोनाची लागण झाली आहे. 392 व्यक्तीने कोरोनावर मात केली आहे. कोरोनामुळे 8 व्यक्तीचा मृत्यू झाला आहे.

पनवेल पालिका परिसरात कोरोना रुग्ण संख्येत वाढ होत असताना पालिका प्रशासनाने माझे कुटुंब माझे जबाबदारी सर्वेक्षणच्या वेळी घरोघरी भेट घेऊन कोरोनाचे रुग्ण साधून त्यांच्यावर उपचार केले. त्यामुळे पालिका हद्दीत कोरोनाच्या रुग्ण संख्येत कमी झाली होती. मात्र गेल्या काही दिवसांपासून सरकारने अनलॉक केल्यामुळे बाजार, रेल्वे सेवा, बससेवा, सिनेमागृह सुरु केल्यामुळे कोरोना रुग्ण संख्येत भर पडताना दिसत आहे. 

घराबाहेर पडताना मास्कचा वापर करावे असे आवाहन पालिका प्रशासनाकडून केले जात आहे. मात्र  त्याकडे नागरिक दुर्लक्ष करताना दिसून येत आहे. देशात त्यात कोरोनाची लस आल्यामुळे बहुतांश नागरिक कोरोना लस आल्याचे कारण सांगून  मास्कच्या वापराकडे दुर्लक्ष करताना दिसून येते. मासळी, मटण, भाजी आणि फळ मार्केट आदी ठिकाणी खरेदी करताना अनेक व्यक्ती मास्क वापर करताना दिसून येत तर जण देखावा म्हणून हनुवटीवर घेऊन फिरताना दिसून येते. याविषयी पालिका आयुक्त सुधाकर देशमुख यांच्याशी संपर्क केला असता होऊ शकला नाही.

मुंबई विभागातल्या ताज्या बातम्या वाचण्यासाठी येथे क्लिक करा.

पनवेल पालिका हद्दीतील ग्रामीण आणि शहरी भागात काही दादा मंडळीकडून आठवडी बाजार भरविला जातो. त्यावेळी फेरीवाले दाटीवाटीने बसलेले असतात.  खरेदी बहुतांश खरेदी दारांच्या तोंडावर मास्क नसतो. पालिकेने काही दिवस आठवडी बाजारावर निर्बंध घालावे आणि विना मास्क फिरणाऱ्या व्यक्तीवर दंडात्मक कारवाई कऱण्यात यावी अशी मागणी नागरिकांकडून केलीये जात आहे.

हेही वाचा-  'बघताय ना बाळासाहेब', शिवजयंतीवरील निर्बंधावरून मनसेची सरकारवर टीका

----------------------------

(संपादन- पूजा विचारे)

Panvel municipal corporation corona patients increasing february