पनवेल : चारित्र्याच्या संशयावरून वीटभट्टी कामगाराने (Brick kiln worker) पत्नीच्या (wife murder) डोक्यामध्ये विटाने हल्ला करून तिची हत्या केली. यानंतर पलायन केल्याचा प्रकार घडला आहे. या प्रकरणी पनवेल तालुका पोलिसांनी हत्येचा गुन्हा (Murder case) दाखल करून आरोपी (culprit arrested) पतीला अटक केली. पनवेल तालुक्यातील चिंचवली येथील दशरथ भगत यांच्या वीटभट्टीवर दीपक उर्फ पिंटू विठ्ठल दिवा (वय ३६) हा मोलमजुरी करून कुटुंबासह त्याच ठिकाणी झोपडीत राहात होता. दीपक आपल्या पत्नीवर संशय घेत असल्याने त्यांच्यामध्ये नेहमी भांडण होत होती.

त्यांचे भांडण सोडविण्यासाठी जाणाऱ्या व्यक्तीवर देखील तो संशय घेत होता. पत्नीचे तिच्या नातेवाईकांशी अनैतिक संबंध असल्याचा दीपकला संशय होता. यावरूनच गुरुवारी (ता. १७) रात्री पती-पत्नीमध्ये भांडण झाले. शेजारी राहणाऱ्या कुटुंबाने त्यांच्यातील भांडण सोडवून ते आपल्या घरी निघून गेले.

मात्र त्यानंतर भांडण विकोपाला गेल्यानंतर दीपकने पत्नीला विटाने मारहाण करून तिची हत्या केली. त्यामुळे त्यांच्या मुलीने रडत रडत शेजाऱ्यांकडे जाऊन सदरचा प्रकार सांगितल्यानंतर त्यांनी जाऊन पहाणी केली असता, ती मृतावस्थेत आढळून आली.