मुंबई : मध्य रेल्वेने गेल्या तीन महिन्यात प्रवासी भाडेव्यतिरीक्त २८.६२ कोटी आणि पार्सल महसूल ६७.७७ कोटीचे विक्रमी महसूल गोळा केला आहे. मध्य रेल्वेची नॉन-फेअर महसूल आणि पार्सल महसूलामध्ये उत्कृष्ट कामगिरी असल्याची माहिती देण्यात आली आहे.

चालू आर्थिक वर्षात एप्रिल ते जून मध्य रेल्वेची कामगिरी उत्कृष्ट राहिली असून, विना-भाडे महसुलात २८.५२ कोटी रुपयांच्या विक्रमी महसूल मिळाला आहे. जो मागील आर्थिक वर्षाच्या याच कालावधीत १४. १० कोटी असून यंदा १०२. ३३ टक्यांनी महसूलात वाढ झाली आहे. निविदा बिडिंगच्या ई-लिलाव ऑनलाइन प्रणालीने एक दिवसात निविदा अंतिम करण्याच्या जलद प्रक्रियेमुळे नॉन-फेअर महसूलाच्या कमाईला मोठी चालना दिली आहे.

याशिवाय पार्सल महसुलातही मध्य रेल्वेने विक्रमी कामगिरी केली आहे. एप्रिल ते जून पार्सल महसूलाद्वारे ६७. ७७ कोटी रुपयांची विक्रमी कमाई केली. मागील वर्षीच्या एप्रिल ते जून २०२२ मध्ये ६४.६६ कोटी कमाई केली होती. मात्र, यंदा गेल्या वर्षी पेक्षा ४.९७ टक्के अधिक आहे. विशेष म्हणजे या आर्थिक वर्षात जून पर्यंत एकूण ९२ पार्सल वेळापत्रकानुसार धावल्या आहे. यापैकी २९ पार्सल ट्रेनच्या फेऱ्यातून ५.७८कोटी कमाई केली, इंडेंटेड पार्सल कार्गो एक्सप्रेस ट्रेन्सच्या (पीसीईटी) ५७ ट्रिपमधून ८.४५ कोटी कमावले.