वाशी, ता. १ (बातमीदार) : जागतिक पर्यावरण दिनाच्या पार्श्वभूमीवर नवी मुंबई महापालिकेच्या वतीने चाणक्य सिग्नलजवळ पूर्वेकडील बाजूस जांभूळ आणि पश्चिमेकडील बाजूस बांबूची लागवड करण्यात आली. महापालिका आयुक्त डॉ. कैलास शिंदे यांच्या हस्ते हा कार्यक्रम पार पडला. माझी वसुंधरा अभियानांतर्गत हाती घेण्यात आलेल्या या उपक्रमाप्रसंगी अतिरिक्त आयुक्त सुनील पवार व शिरीष आरदवाड, उद्यान विभागाचे उपायुक्त दिलीप नेरकर, अतिरिक्त शहर अभियंता अरविंद शिंदे, विभाग अधिकारी तथा सहायक आयुक्त शशिकांत तांडेल आदी अधिकारी, कर्मचारी आदी उपस्थित होते. या ठिकाणी १०० जांभूळ व २०० बांबूंची लागवड करण्यात येणार असून या पावसाळी कालावधीत माझी वसुंधरा अभियानामध्ये नवी मुंबई महापालिका क्षेत्रात दीड लाख रोपांची लागवड करण्याचे नियोजन करण्यात आले आहे. सर्व झाडे देशी तसेच नवी मुंबईची जैवविविधता वाढवणारी असणारी आहेत. ५ जून रोजी जागतिक पर्यावरण दिनानिमित्त महापालिका आयुक्त डॉ. कैलास शिंदे यांच्या मार्गदर्शनाखाली पर्यावरणपूरक विविध उपक्रम हाती घेण्यात येत असून नवी मुंबई महापालिका क्षेत्रात विविध विभागांमध्ये लोकसहभागातून मोठ्या प्रमाणावर वृक्षारोपण करण्यात येणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.