PMC bank sakal media
मुंबई

पीएमसी बँक गैरव्यवहार प्रकरण; 233 कोटींच्या मालमत्तेवर ईडीची टाच

अनिष पाटील

मुंबई : पंजाब अँड महाराष्ट्र को-ऑपरेटीव्ह (PMC Bank) बॅंकेतील गैरव्यवहार (Illegal transactions) प्रकरणी सक्तवसुली संचलनालयाने (Enforcement Directorate) एचडीआयएलच्या (HDIL) 233 कोटी रुपयांच्या प्रीफरन्स शेअर्सवर टाच आणली. या शेअर्सच्या माध्यमातून एचडीआयएल घाटकोपर (Ghatkopar) येथे 90 हजार 250 चौ फुटांचा चटई क्षेत्र विकण्याचा हक्क प्राप्त झाला होता.

रिझर्व्ह बॅंकेने नेमलेल्या प्रशासकाने आर्थिक गुन्हे शाखेकडे (ईओडब्ल्यू) 6670 कोटी रुपयांचा गैरव्यवहार झाल्याची तक्रार केली होती. याप्रकरणी पीएमसी बॅंकेचा तत्कालीन व्यस्थापकीय संचालक जॉय थॉमस याच्या जबाबाच्या आधारावर कर्ज देण्यात काही अनियमितता असल्याचे उघड झाले होते. त्यानुसार ईओडब्ल्यूने याप्रकरणी गुन्हा दाखल केला होता. पुढे याप्रकरणी मनी लॉंडरिंगचे पुरावे प्राथमिक तपासात मिळाल्यामुळे ईडीनेही गुन्हा दाखल केला होता.

ईडीच्या तपासानुसार, एचडीआयएलचे राकेश वाधवान आणि इतर प्रवर्तकांनी, पीएमसी बँकेकडून घेतलेल्या निधीचा वापर फसव्या पद्धतीने विविध प्रकल्पांमध्ये केला आहे. 2011-12 या वर्षात, एचडीआयएल ग्रुप कंपन्यांकडून 233 कोटी रुपयांची रक्कम मुंबईच्या मुकेश दोशी यांच्या समूह कंपन्यांना हस्तांतरित करण्यात आली. या निधीचा वापर शेवटी आर्यमन डेव्हलपर्स प्रायव्हेट लिमिटेडने घाटकोपर पूर्व, मुंबई येथे विकसित केलेल्या झोपडपट्टी पुनर्वसन प्रकल्पात केला. राकेश कुमार वाधवन आणि मुकेश दोशी यांच्यातील समजोत्यानुसार, एचडीआयएल कंपन्यांच्या कंपन्यांना प्रस्तावित इमारतीत 90250 स्क्वेअर फूट चटई क्षेत्रफळासह एफएसआयचे बांधकाम क्षेत्र वाटप केले जाईल.

झटपट प्रकल्पासाठी मेसर्स आर्यमन डेव्हलपर्सची स्वतःची गुंतवणूक होती ज्यात बँकेकडून कर्ज समाविष्ट होते. जमीन प्रीमियम, झोपडपट्टीवासीयांना भाडे, संक्रमण शिबिरांचे बांधकाम, फंगिबल प्रीमियम, पुनर्वसन आणि एसओआरएसह आयओडी ठेवीचे बांधकाम करण्यासाठी या निधीचा वापर करण्यात आला. एचडीआयएलचे प्रवर्तक प्रकल्पातून काढता पाय घेतल्याचे उघड झाले आणि 150 कोटी रुपयांच्या सेटलमेंटसाठी मेसर्स आर्यमन डेव्हलपर्सशी संपर्क साधला. पीएमसी कडून एचडीआयएल कडून फसव्या पद्धतीने घेतलेल्या कर्जामधून निर्माण झालेली कमाई, म्हणजे एचडीआयएल ग्रुप कंपन्यांचे 233 कोटी रुपयांचे कम्पल्सरी कन्व्हर्टेबल प्रेफरन्स शेअर्सवर ईडीने टाच आणली आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Maharashtra Assembly Election 2024 Results Live Updates: राज्यातील सर्व मतदारसंघांच्या निकालाचे अपडेट्स एका क्लिकवर

Pune Online Fraud : ‘डिजिटल अरेस्ट’ करून आयटी अभियंत्याला सहा कोटींचा गंडा; सेवानिवृत्तीला काही महिने शिल्लक असताना बॅंक खाते रिकामे

Constitution of India : आणीबाणीतील सर्वच निर्णय रद्द करण्यासारखे नाहीत; सर्वोच्च न्यायालयाचे महत्त्वपूर्ण निरीक्षण

Pollution : बालकांचे भविष्य संकटात! दिल्लीसह उत्तर भारतात राष्ट्रीय प्रदूषण आणीबाणीची स्थिती; राहुल गांधींकडून चिंता व्यक्त

JP Nadda : अराजकाला काँग्रेसकडून चिथावणी; मणिपूर हिंसाचारप्रकरणी भाजपाध्यक्ष जे. पी. नड्डा यांचा आरोप

SCROLL FOR NEXT