Railway News: उन्हाळ्यात रेल्वे प्रवाशांची तहान भागविण्यासाठी मध्य रेल्वेने आपल्या ४३४ रेल्वे स्थानकांवर ८ हजार ९३ पाण्याचे नळ, ४९८ वॉटर कुलर आणि १४९ नलिका विहिरींची तरतूद करण्यात आली आहे.

त्यामुळे उन्हाळ्यात प्रवाशांना पिण्याचा पाण्यासाठी रेल्वे स्थानकांत गैरसोय होणार नाहीत असा विश्वास मध्य रेल्वेने व्यक्त केला आहे.

भारतीय रेल्वेच्या सर्व स्थानकांवर प्रवाशांना पिण्याचे पाणी उपलब्ध करून देण्यासाठी रेल्वे मंत्रालयाने आगामी उन्हाळी हंगाम आणि संभाव्य उष्णतेच्या लाटेच्या पार्श्वभूमीवर रेल्वे स्थानकांवर पिण्याच्या पाण्याच्या उपलब्धतेचा आढावा घेतला आहे आणि पुरेसा पुरवठा सुनिश्चित करण्यासाठी विभागीय रेल्वेंना सूचना जारी केल्या आहेत.

याशिवाय उन्हाळ्यात प्रवाशांना शुद्ध पाणी उपलब्ध करून देण्याचा सर्व विभागीय रेल्वेना निर्देशन देण्यात आले आहे. त्यानुसार, मध्य रेल्वेने आपल्या प्रवाशांना पिण्यायोग्य पिण्याचे पाणी उपलब्ध करून देण्यासाठी पुरेशी पावले उचलली आहेत ज्यात स्थानकांवर पाण्याचे नळ, वॉटर कुलर, कूपनलिका इत्यादींची तरतूद समाविष्ट आहे.मध्य रेल्वेने आपल्या ४३४ स्थानकांवर ८०९३ पाण्याचे नळ, ४९८ वॉटर कूलर आणि १४९ नलिका विहिरींची तरतूद केली आहे.

काय आहे सूचना -

- सर्व विद्यमान वॉटर कुलर कार्यरत असल्याची खात्री करा

- महत्त्वाच्या स्थानकांवर पाण्याचे टँकर तैनात करा.

-सर्व प्लॅटफॉर्मवर पाण्याच्या उपलब्धतेची नियमित तपासणी करा.

- पाणी टंचाईचा भागात पर्यायी पाणीपुरवठा उपाय शोधा

विभाग - पाण्याचे नळ - वॉटर कुलर -

मुंबई विभाग - १२०० -२४५

पुणे विभाग-१०७४ -४७

नागपूर विभाग- २३६०- ६१

भुसावळ विभाग २५१९ -१०७

सोलापूर विभाग ९४० -३८