उपनगरीय रेल्वे मार्गावरील कुर्ला या मुख्य आणि गर्दीच्या स्थानकात शुक्रवार (ता.०५) तिकीट तपासनीस पथकाकडून विशेष मोहीम राबवण्यात आली. यावेळी १२९४ विना तिकीट प्रवाशांवर कारवाई करत तब्बल ४.०३ लाख रुपयांचा दंड वसूल करण्यात आल्याची माहिती मध्य रेल्वेकडून देण्यात आली.

उपनगरीय रेल्वे मार्गावर दिवसागणिक प्रवासी संख्या वाढत आहे. याच वाढत्या गर्दीचा फायदा घेत अनेक प्रवासी विना तिकीट प्रवास करताना आढळतात रेल्वे प्रशासनाद्वारे वारंवार सूचना करूनही विना तिकीट प्रवास सर्रास सुरू आहे.

शुक्रवार ५ जानेवारी रोजी कुर्ला या गर्दीच्या आणि मुख्य स्थानकात तिकीट तपासनीस पथकाकडून विशेष तपासणी मोहिम राबविण्यात आली. यामध्ये ५४ तिकीट तपासनीस, १७ आरपीएफ कर्मचारी सहभागी झाले होते. यावेळी १२९४ विना तिकीट प्रवाशांवर कारवाई करत तब्बल ४.०३ लाख रुपयांचा दंड वसूल करण्यात आला आहे