महाराष्ट्र नवनिर्माण सेनेचे अध्यक्ष राज ठाकरे हे ५ जून रोजी अयोध्या दौऱ्यावर जात आहेत. या दौऱ्याचं नियोजन करण्यासाठीची खलबतं आता सुरू झाली आहेत. त्यासाठी मनसे पदाधिकाऱ्यांची बैठक शिवतीर्थावर होणार आहे.
मनसे अध्यक्ष राज ठाकरे येत्या ५ जून रोजी अयोध्या दौऱ्यावर जात आहेत. या दौऱ्याच्या पार्श्वभूमीवर सध्या वादविवादांना उधाण आलं आहे. अयोध्येतल्या भाजपा नेत्यानेच त्यांच्या या दौऱ्याला विरोध केला आहे. राज ठाकरेंनी उत्तर भारतीयांची माफी मागावी तरच त्यांनी अयोध्येत यावं, अशी मागणी या नेत्याने केली आहे.
तर शिवसेनाही या दौऱ्याच्या पार्श्वभूमीवर आक्रमक झाली आहे. अयोध्येत शिवसेनेने जोरदार पोस्टरबाजी करत राज ठाकरेंना टोला लगावला आहे. राज ठाकरेंच्या दौऱ्यानंतर लगेचच पर्यावरण मंत्री आणि शिवसेना नेते आदित्य ठाकरे हेही अयोध्या दौऱ्यावर जात आहेत. त्या पार्श्वभूमीवर अयोध्येत शिवसेनेने 'असली आ रहे है, नकली से सावधान' असे पोस्टर्स लावले आहेत.
दरम्यान, राज ठाकरेंच्या या दौऱ्याच्या अनुषंगाने मनसे पदाधिकारी राज यांच्या मुंबईतल्या शिवतीर्थ या निवासस्थानी जमणार आहेत. या बैठकीमध्ये अयोध्या दौऱ्याचा आढावा घेतला जाईल, तसंच परिस्थितीवर चर्चाही होण्याची शक्यता वर्तवण्यात येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.