मुंबई : सचिन वाझे प्रकरणासंदर्भात आणखी एक महत्त्वाची आणि मोठी बातमी समोर येतेय. आज केंद्रीय तपास यंत्रणांकडून आणखी एक मर्सिडीझ गाडी जप्त करण्यात आली आहे. धक्कादायक बाब म्हणजे ही गाडीही सचिन वाझे वापरात असल्याचं मीडिया रिपोर्टच्या माध्यमातून समजतंय.

याआधी देखील एक मर्सिडीझ गाडी NIA ने ताब्यात घेतलेली होती. ज्या गाडीतून दोन हजाराच्या नोटांचे बंडल, नोटा मोजण्याचं मशीन, काही नंबर प्लेट्स, दारूची बाटली अशा गोष्टी सापडल्या होत्या. दरम्यानात, आज जप्त करण्यात आलेल्या मर्सिडीझ गाडीची फॉरेन्सिक तपासणी देखील होऊ शकते असं देखील समजतं आहे. याआधी जप्त केलेल्या मर्सिडीझची तपासणी सुरु असताना आता आणखी एक गाडी NIA ने जप्त केलेली आहे. 

महत्त्वाची बातमी : मुंबईतील प्रभागांत होणार 'मुंबई फुड स्ट्रीट'; आयुक्तांच्या कल्पना प्रत्यक्षात उतरविण्यासाठी २०० कोटी

माध्यमांच्या माहितीनुसार सध्या NIA कडून एकूण चार गाड्या जप्त करण्यात आलेल्या आहेत. यामध्ये एक लँड क्रुझर गाडी, एक इनोव्हा गाडी, या आधी सचिन वाझे वापरत असलेली एक मर्सिडीझ गाडी आणि आज आणखी एक मर्सिडीझ गाडी जप्त केली गेली आहे.  या सर्व गाड्यांची NIA चे अधिकारी पुन्हा तपासणी करणार असल्याचंही समजतंय. 

दरम्यान, काल वाझेंच्या निवासस्थानातून जप्त करण्यात आलेली लँड क्रुझर गाडी आणि आज ताब्यात घेण्यात आलेल्या मर्सिडिझमधून मुकेश अंबानी स्फोटके प्रकरणात आणि मनसुख हिरेन मृत्यू प्रकरणात नवीन काय माहिती हाती लागते हे पाहणं महत्त्वाचं असणार आहे. 

महत्त्वाची बातमी : भारतातील कुपोषणाचा रिपोर्ट धक्कादायक ! राष्ट्रीय पोषण आहार सर्वेक्षणातून धक्कादायक माहिती आली समोर

sachin vaaze case NIA seized one more mercedes  benz car and investigation is on