नवी मुंबई : खवल्या मांजराची तस्करी करणाऱ्यास खांदेश्‍वर पोलिसांनी सोमवारी सापळा रचून अटक केली आहे. कल्पेश गणपत जाधव (28) असे आरोपीचे नाव आहे. पोलिसांना मिळालेल्या माहितीनुसार एक इसम आसूडगाव येथे खवल्या मांजराची तस्करी करण्यासाठी येणार असल्याची माहिती मिळाली होती. त्यानुसार खांदेश्‍वर पोलिसांनी आसुडगाव येथे सापळा रचून आरोपी कल्पेश गणपत जाधव वय 28 वर्षे याला ताब्यात घेतले.
कल्पेशच्या वाहनाची तपासणी करत असताना पोलिसांना लाल रंगाच्या टाटा सुमोमध्ये खवले मांजर ठेवण्यात आल्याचे आढळून आले. त्याचे वजन किमान 7 किलो 360 ग्रॅम असे होते. आरोपीला ताब्यात घेत अधिक चौकशी केली असता त्याने हे खवले मंजर तस्करीकरिता आणले असल्याची कबुली दिली.
या जातीचे मांजर जवळ बाळगल्यास धनदौलत व ऐश्‍वर्य मिळते, असा लोकांचा गैरसमज आहे. त्यासाठीच तस्करी केली जात असल्याचे पोलिसांकडून सांगण्यात आले. या प्रकरणातील आरोपीस अटक करण्यात आली असून पुढील तपास सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.