मालकाच्या तेरा वर्षीय मुलीचे नग्न फोटो आणि व्हिडिओ क्लिक केल्याप्रकरणी नोकराला (Servant) अटक करण्यात आली आहे. मालकाची मुलगी तरुणाच्या मोबाईलवर गेम खेळत असताना ही घटना उघडकीस आल्याचे पोलीसांनी सांगितले.

आरोपी हा दक्षिण मुंबईत त्याच्या मालकाच्या घरी राहत होता. अनेकदा अल्पवयीन मुलगी कपडे बदलत असताना आरोपी फोटो आणि व्हिडिओ काढायचा. मंगळवारी मालकाची मुलगी तरुणाच्या मोबाईलवर गेम खेळत असताना तीला तीचे कपडे बदलत असतानाचे फोटो आणि व्हिडीओ दिसले. याविषयी मुलीने आपल्या आईला सांगितले. त्यांनतर त्याच्या विरोधात तक्रार दाखल करण्यात आली. पोलीसांनी त्याच्यावर गुन्हा दाखल केलाय.

आरोपी मूळचा झारखंडचा असून तो आठ वर्षांपासून या घरात काम करत होता. तर मालकाचे दक्षिण मुंबईत गिफ्ट शॉप असल्याने पती पत्नी दोघेही अनेकदा कामावर जात असत. त्यामुळे त्यांनी मुलीची काळजी घेण्याची जबाबदारी नोकराला दिली होती. आरोपी नोकर गेल्या चार महिन्यांपासून हे कृत्य करत असल्याची माहिती तपासात समोर आली आहे. आरोपीचा फोन जप्त करण्यात आला असून इतर अनेक अल्पवयीन मुलीचे फोटोही पोलिसांना त्याच्या मोबाईलमध्ये सापडले. आरोपीला पोलीस कोठडी सुनावण्यात आली असुन पोलीस या प्रकरणाचा तपास करत आहे.