Kalyan News| महाविकास आघाडीच्या उमेदवार वैशाली दरेकर यांनी विरोधी पक्षातील संभाव्य उमेदवार श्रीकांत शिंदे यांची मिमिक्री करत त्यांच्यावर निशाणा साधला आहे.

याला खासदार श्रीकांत यांनी उत्तर देताना दरेकर यांच्या आडून थेट ठाकरे गटाचे पक्षप्रमुख उद्धव ठाकरे व नेते संजय राऊत यांच्यावर शाब्दिक वार केले आहेत. मी त्यांची चुकी मानत नाही. जस बॉस वागतो तस बिचारे पदाधिकारी, कार्यकर्ते यांना करावं लागत. निवडणूक झाल्यावर त्यांच्याकडे तेच काम उरेल असे शिंदे यांनी म्हटले आहे. (Shrikant Shinde)

कल्याण लोकसभा मतदारसंघात महाविकास आघाडीच्या उमेदवार वैशाली दरेकर या अंबरनाथ येथे प्रचारासाठी गेल्या असता त्यांनी महायुतीचे संभाव्य उमेदवार श्रीकांत शिंदे यांच्यावर निशाणा साधला. ज्यांना अ ब क येत नव्हतं त्यांना ते शिवसेनेने शिकवले.

अ ब क काय म्हणजे काय? आपण जे काम करतोय, आपल्या कडील सध्याची परिस्थिती किंवा समाजामध्ये जे काय चाललंय याचे विचार ज्याच्या मेंदूमध्ये क्लियर असतात, तो कधी "या ठिकाणी, त्या ठिकाणी" "मग असं करत नाही". असे नक्कल करुन दाखविले.

पुढे त्या म्हणाल्या, कारण त्याच्याकडे त्याच्या मेंदूमध्ये ते तयार असत. की आज मी अंबरनाथ मध्ये आले, अंबरनाथ मध्ये लोकांचे प्रश्न काय आहेत ? मी तुम्हाला एक सांगू इच्छिते की, आमच्या कुठल्याही कार्यकर्त्याला तुम्ही इथे विचारलं ना की अंबरनाथ मधील प्रश्न काय? तर तो तुम्हाला झटपट सांगेल. कारण तो रोज अंबरनाथ मध्ये रस्तो रस्ते फिरतोय. तो अनुभवतोय. जो अनुभवतो ना त्याच्या डोक्यामध्ये सगळे विषय क्लियर असतात. असं म्हणत वैशाली दरेकर यांनी श्रीकांत शिंदे यांच्यावर टीका करत मिमिक्री केली आह.

याला उत्तर देताना खासदार डॉ. श्रीकांत शिंदे यांनी

दरेकर यांच्याविषयी बोलताना, मी त्यांची चुकी मानत नाही. त्या या ठिकाणी उभ्या राहिल्या आहेत. त्यांना माझ्या शुभेच्छा आहेत. पण जसं बॉस वागतो, जसं बॉस शिकवतो, तसं बिचारे कार्यकर्त्यांना, पदाधिकाऱ्यांना कराव लागत. आता त्यांना तेच कामधंदे उरणार आगेत. त्यांनी मिमिक्री करण्याचा प्रत्येक सभेमध्ये सुरू केलेल आहे. मला वाटतं ही निवडणूक झाल्यानंतर तेच काम त्यांच्याकडे आहे ते उरणार आहे असे सांगत ठाकरे गटाचा समाचार घेतला आहे.