कल्याण ः मंगळवार सायंकाळनंतर जोरदार वारा आणि रिमझिम पावसाने कल्याण डोंबिवली मध्ये गारवा निर्माण झाल्याने काहीसा नागरिकांना दिलासा मिळाला मात्र कल्याण पूर्व पश्चिमेला 4 हुन अधिक ठिकाणी झाडे कोलमडून पडली , सुदैवाने कुठलीही जीवितहानी झाली नाही .

कार चालकांनो इकडे लक्ष द्या! मुंबई पालिकेनं दिली 'ही' अत्यंत महत्त्वाची सूचना

निसर्ग चक्रीवादळ बुधवारी दाखल होणार मात्र त्याचा परिणाम मंगळवार ता 2 जून रोजी कल्याण डोंबिवली शहरी आणि ग्रामीण भागात जाणवू लागला . ढगाळ वातावरण होते तर सायंकाळी सहा साडे सहा नंतर जोरदार वाऱ्या सहित रिमझिम पावसाने हजेरी लावली . गारव्याने दिलासा मिळाला असला तरी 4 हुन अधिक ठिकाणी झाडे कोलमडली . रात्री आठ साडे आठच्या सुमारास कल्याण पूर्व काटेमानिवली परिसरात झाडाची मोठी फांदी पडली , तर रात्री उशिरा बारावे जलशुद्धी केंद्र परिसर मध्ये झाडे कोलमडलीच्या तक्रारी होत्या तर लोढा हेवन ,कल्याण पश्चिम शिवाजी चौक, बारदान गल्ली पालिकेच्या शाळेजवळील झाड धोकादायक झाल्याच्या तक्रारी मिळताच पालिकेच्या अग्निशमन दलाच्या पथकाने घटना स्थळी कोलमडलेले , पडलेले आणि धोकादायक झाडांना बाजूला केली असून सुदैवाने कुठलीही जिवीत हानी झाली नाही.