मुंबई : सुशांत सिंह राजपूत आणि दिशा सॅलियन प्रकरणात उच्च न्यायालयात आपल्या विरोधात याचिका सादर झाल्याने शिवसेना नेते आदित्य ठाकरे यांनी या प्रकरणी कॅव्हेट दाखल केले आहे. याप्रकरणी आदित्य ठाकरे यांची चौकशी करण्याची मागणी करणारी याचिका रशीद खान पठाण यांनी केली आहे.

त्यामुळे याबाबत उच्च न्यायालयाने आदेश देण्यापूर्वी आपलेही म्हणणे ऐकून घ्यावे असे त्या कॅव्हेट मध्ये म्हटले आहे. आठ जून २०२० तसेच त१३ व १४ जून २०२० रोजीचे दिशा सॅलियन आणि आदित्य ठाकरे, सुशांत सिंह राजपूत व अन्य अभिनेत्यांचे मोबाईल लोकेशन तपासावे, तसेच सीसीटीव्ही फुटेज तपासावे अशी अर्जदारांची मागणी आहे.