कासा : शुक्रवारी संध्याकाळच्या वेळेस चारोटी येथे एका 30 वर्षीय तरुणी आपल्या घरात मृत अवस्थेत आढळून आली. तिच्या गळ्यावर काळे डाग आणि पायावर मार लागल्याच्या खुणा आढळून आल्या असल्यातरी हत्येचे कारण अद्याप स्पष्ट होऊ शकलेले नाही. 

हेही वाचा - रात्री धावून महिलांचा सुरक्षिततेचा संदेश

वैशाली शांताराम बुंधे (30) असे मृत तरुणीचे नाव आहे. राहत्या घरीच तिचा मृतदेह आढळून आला आहे. दरम्यान तिच्या शरीरावर संशयास्पद खुणा आढळून आल्यामुळे नेमके मृत्यूचे कारण काय असावे याबद्दल चर्चा होत आहे. वैशालीच्या मृत्यूबाबतची
 माहिती तिच्या कुटुंबियांना मिळताच त्यांनी कासा पोलिसांत फिर्याद दाखल केली.

महत्त्वाची बातमी - हिंदूत्त्वाचा अजेंडा राबविण्याचे कारस्थान

त्यांनतर पोलिसांनी पंचनामा करून मृतदेह कासा उपजिल्हा रुग्णालयात शवविच्छेदनासाठी पाठविला; मात्र मृत मुलीच्या कुटुंबीयांनी आरोपीस अटक करावी, तसेच मृतदेह मुंबईतील जे.जे. रुग्णालयात पाठवावा, अशी मागणी करत मृतदेह ताब्यात घेण्यास नकार दिला. त्यानंतर पोलिसांनी एका संशयित आरोपीस अटक करत मृतदेह शवविच्छेदनासाठी जे.जे. रुग्णालयात पाठविला.  सध्या कासा पोलिस प्रकरणाचा पुढील तपास करत आहेत. पुढील तपास कासा पोलिस करत आहेत.  

web title : Suspected death of young girl in house