ठाणे : मागील पाच ते सहा दिवसांपासून कोरोनाबाधित रुग्णांच्या आकडेवारीत होणारी वाढ मंगळवारी मात्र काहीशी घटली असल्याचे दिसून आले. मंगळवारी नवी मुंबई आणि ठाणे महापालिका क्षेत्रांसह ग्रामीण भागातील आकडेवारी चढीच असल्याचे दिसून आले. त्यामुळे मंगळवारी एका दिवसात 171 रुग्णांची नोंद करण्यात आली असून दोघांच्या मृत्यूची नोंद करण्यात आली आहे. त्यामुळे जिल्ह्यातील बाधितांचा आकडा अडीच हजारांच्या पार गेला असून मृतांचा आकडा 69 वर गेला आहे.

नक्की वाचा : मद्य खरेदीसाठी आता 'इ-टोकन'; राज्य उत्पादन शुल्क विभागाचा मोठा निर्णय

मंगळवारी नवी मुंबई महापालिका क्षेत्रात 77 नवीन कोरोनाबाधितांची नोंद झाली. त्यामुळे तेथील बाधितांची संख्या 856 इतकी झाली. तर, ठाणे महापालिका क्षेत्रात 46 कोरोनाबाधितांची नोंद झाल्याने बाधितांचा आकडा 798 वर पोहोचला. उल्हानगरमध्ये तिघांची नोंद करण्यात आली असून बाधितांचा आकडा 50 झाला आहे. तसेच कल्याण, डोंबिवलीत 21 रुगांची नोंद झाल्याने बाधितांचा आकडा 365 इतका झाला. मीरा-भाईंदरमध्ये 5 नवीन रुग्णांची नोंद झाल्याने बाधितांचा आकडा 262 वर गेला. भिवंडी महापालिका क्षेत्रात एका नवीन रुग्णाची नोंद झाली. बदलापूरमध्ये सहा नवीन रुग्ण सापडले असून एकाचा मृत्यू झाला. त्यामुळे तेथील बाधितांचा आकडा 62 झाला असून मृतांची संख्या 2 झाली.

हे ही वाचा : गावी जायंचय मग, 'ई-पास' मिळवण्याची प्रक्रिया जाणून घ्या

ठाणे ग्रामीण भागात 12 नव्या बाधितांच्या नोंदीसह एका रुग्णाच्या मृत्यूची नोंद आहे. त्यामुळे जिल्ह्यातील बाधितांचा आकडा दोन हजार 549 तर, मृतांचा आकडा 69 इतका झाला आहे.

In Thane district, the number of corona sufferers has crossed 2500, 171 patients in a day