Thane Hospital News : कळवा येथील छत्रपती शिवाजी महाराज रुग्णालयात गेल्या सात महिन्यांत एक हजार ६१ जणांचा उपचारादरम्यान मृत्यू झाला आहे तर रुग्णालयात ३,२९९ बालकांचा जन्म देखील झाला आहे.
छत्रपती शिवाजी महाराज रुग्णालयात एकाच रात्री १७ जणांचा उपचारारादम्यान मृत्यू झाल्याने हाहाकार माजला. त्यामुळे सर्वच स्तरावरून रुग्णालय प्रशासनाला टीकेचे धनी व्हावे लागले. त्यातच येथील भोंगळ कारभार समोर आला. याशिवाय रुग्णालयात २०२३ च्या जानेवारी ते जुलै या सात महिन्यांत १,०६१ जणांना मृत्यू झाल्याची बाब पुढे आली.
एक हजार रुग्ण उपचारार्थ दाखल होत असतील तर सरासरी मृत्यूचा आकडा हा सात महिन्याला ४९ असल्याचे शासकीय आकडेवारीत म्हटले आहे. तर दुसरीकडे याच रुग्णालयात जन्माला येणाऱ्या नवजात शिशुची संख्या ही मृत्यू होणाऱ्या रुग्णांपेक्षा तिप्पट असल्याची बाब पुढे आली आहे. म्हणजे सात महिन्यांत ३,२९९ बालकांचा जन्म झाला असला तरी त्यातील १११ बालकांना हे जग पाहता आले नाही. पण, उर्वरित ३,१८८ बालकांनी या जगात पाऊल टाकले आहे.
ते हे जग येथील डॉक्टर आणि इतर कर्मचाऱ्यांमुळे पाहत आहे, हेही तितकेच खरे आहे. गतवर्षीपेक्षा या वर्षी ५५ अधिक बालके रुग्णालयात जन्माला आली आहेत. त्यामध्ये पाच मृतावस्थेत, तर ५० बालक सुखरूपपणे जन्माला आली असल्याचे सांगण्यात येत आहे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.