ठाणे : शाळा, महाविद्यालय आणि रेल्वे स्थानक बाँबने उडवून देण्याच्या धमकीचा ईमेल ठाण्यातील कोर्टनाका येथील ठाणे पोलीस शाळेच्या मेल आयडीवर आल्याने एकच खळबळ उडाली आहे. संपूर्ण हिंदुस्थानात जिहादचे पालन करण्यासाठी कुर्बानी आणि धमाका हे दोन मार्ग असल्याचे या मेलवरील मजकूरात म्हटले आहे. या घटनेप्रकरणी ठाणेनगर पोलीस ठाण्यात गुन्हा दाखल करण्यात आला असून ठाणे पोलिसांच्या सायबर कक्षाच्या मदतीने याप्रकरणाचा तपास सुरू आहे. (Mumbai Terrorist mail to thane police school)

ठाणे पोलिस शाळेत रविवार राज्य लोकसेवा आयोगाची परीक्षा होणार होती. त्यामुळे शाळेतील एक शिक्षिका शनिवारी शाळेची पाहणी करत होत्या. कामगाज संपल्यानंतर त्यांनी शाळेचा मेल तपासला असता त्यवर लष्कर- २९ लष्कर अ‍ॅट दि रेटप्रोनमेल डॉट कॉम या मेलवरून मिश्न २२ असे अधोरेखित असलेला एक मेल आला होता. त्या शिक्षिकेने तो मेल उघडला असता ‘मै जवेद खान लष्क २९ का प्रमुख हेने के नाते मेल भेज रहा हूं... हमारा एकही मक्सद है, पुरे हिंदूस्थान मे जिहाद का पालन हो... तभी हमारा देश प्रगती करेगा.

’या आशयाचा मजकूर लिहिला होता. हा मेल पाहताच त्यांनी शिक्षिकेने या घटनेची माहिती शाळेच्या मुख्याध्यापिकेस दिल्यानंतर ठाणेनगर पोलीस ठाण्यात याप्रकरणी गुन्हा दाखल करण्यात आला आहे. या मेलमध्ये डोंबिवलीतील काही नागरिकांची नावे लिहीली आहेत. याप्रकरणाचा तपास ठाणे नगर पोलिस ठाणे करत असून त्यासाठी सायबर सेलची मदत घेतली जात असल्याची माहिती उपायुक्त अविनाश अंबुरे यांनी दिली.

बडी प्रॉब्लम यहा की एज्युकेशन सिस्टम है...

या मेलमध्ये सध्याच्या शिक्षण पद्धतीवर प्रश्नचिन्ह उपस्थित करून मदरसा आणि जिहाद विषयी लिहिले आहे. यात असे लिहिले आहे की, लष्कर २९ मे कई मुजाहिद सदस्य है, जो हर घर मे जिहाद पहुँचाना चाहते है.. लष्कर २९ जिहाद को मानने वाली हिंदुओ की संघटना है.. धमाका- बिना धमाके के लोगो को समझ नही आती. हिंदुस्थान मे जिहाद पालन करने मे सबसे बडी प्रॉब्लम यहा की एज्युकेशन सिस्टम है.. यहा की एज्युकेशन सिस्टम बंद करके सिर्फ मदरसा द्वारा शिक्षा देनी चाहिए. तभी जिहाद के बारे मे पुरी जानकारी मिलेगी. हम मुंबई के स्कुल और कॉलेज मे धमाके करेंगे. असं या मेलमध्ये म्हटलंय.