गीतकार जावेद अख्तर यांनी कनिष्ठ न्यायालयात आपल्या विरोधात दाखल केलेल्या अब्रुनुकसानीच्या खटल्याला स्थगिती द्या अशी विनंती करत उच्च न्यायालयात धाव घेतलेल्या अभिनेत्री कंगना राणावत हिला दिलासा देण्यास मुंबई उच्च न्यायालयाने आज नकार दिला. कंगनाची मागणी सद्यस्थितीत मान्य करता येणार नाही असे स्पष्ट करत न्यायमूर्ती प्रकाश नाईक यांनी कंगनाची याचिका फेटाळून लावली.
अभिनेता सुशांत सिंह राजपूत आत्महत्या प्रकरणात कंगनाने गीतकार जावेद अख्तर यांचा उल्लेख रिपब्लिक चॅनलला दिलेल्या मुलाखतीत केला होता. गीतकार जावेद अख्तर यांनी याप्रकरणी कंगना विरोधात अंधेरी महानगर दंडाधिकारी न्यायालयात मानहानीचा फौजदारी दावा दाखल केला. कंगनाने सुद्धा जावेद अख्तर यांच्या विरोधात गुन्हेगारी कट, खंडणी व इतर आरोप करत विरोधी तक्रार दाखल केली.
अंधेरी कोर्टाने जावेद अख्तर यांच्यावरील खंडणीचा आरोप रद्द केला व इतर आरोपांप्रकरणी अख्तर यांना २४ जुलै २०२३ मध्ये समन्स बजावले.
अख्तर यांनी या समन्स विरोधात दिंडोशी न्यायालयात धाव घेतली दिंडोशी सत्र न्यायालयाने अख्तर यांच्या अर्जावर अंतिम सुनावणी होईपर्यंत राणावतच्या तक्रारीवरून न्यायालयाने कारवाईला स्थगिती दिली ही स्थगिती उठल्यानंतर कंगना विरोधात दाखल केलेल्या खटल्यावर पुन्हा सुनावणी होणार असल्याने कंगनाने उच्च न्यायालयात या प्रक्रियेला स्थगिती देण्याची मागणी करत ऍड रिझवान सिद्दीकी यांच्या मार्फत याचिका दाखल केली.
या याचिकेवर सुनावणी पूर्ण झाल्याने न्यायालयाने निकाल राखून ठेवला होता. न्यायमूर्ती प्रकाश नाईक यांनी हा निकाल आज जाहीर करत कंगनाची अब्रुनुकसानीच्या खटल्याला स्थगिती देण्याची मागणी फेटाळून लावली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.