Crime: देशी बनावटीचे पिस्तुलासह जिवंत काडतूस बाळगणाऱ्या तरुणाला पनवेल तालुका पोलिसांनी कोन गाव येथील इंडिया बुल्स इमारतीच्या आवारातून अटक केली आहे. रजनिशराज सत्येंद्रकुवर सिंग (१९) असे या तरुणाचे नाव असून पिस्तूल कशासाठी आणले होते, याबाबत अधिक चौकशी केली जात आहे.
पनवेलमधील कोन गाव येथील इंडिया बुल्स इमारतीत राहणारा तरुण बेकायदेशीर पिस्तूल बाळगत असल्याची माहिती पनवेल तालुका पोलिसांना मिळाली होती. या माहितीच्या आधारे पोलिसांच्या पथकाने कोन गाव येथे सापळा लावला होता. यावेळी रजनिशराज सिंग हा संशयास्पदरीत्या वावरत असताना पोलिसांनी त्याला ताब्यात घेतले.
यावेळी घेतलेल्या झडतीत त्याच्याजवळ देशी बनावटीचे पिस्तूल व चार जिवंत काडतूस आढळून आली आहेत. याबाबत त्याच्याकडे चौकशी केली असता, त्याने उडवाउडवीची उत्तरे दिली. त्यामुळे पनवेल तालुका पोलिसांनी बेकायदा पिस्तूल बाळगल्याप्रकरणी भारतीय हत्यार कायदा तसेच महाराष्ट्र पोलिस अधिनियमानुसार त्याला अटक केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.