नवी मुंबई : उलवे सेक्टर-२३ मध्ये राहणारे रोशन शिरवडकर याच्यावर ७ ते ८ व्यक्तींनी हॉकी स्‍टिक व बांबूने हल्ला करून कारमधील ९ लाख ६० हजारांचे दागिने लुबाडल्‍याची (gold robbery) घटना सोमवारी रात्री घडली. याप्रकरणी एनआरआय पोलिसांनी (NRI police) गुन्हा दाखल (Police Fir) केला आहे. जखमी रोशन शिवडकर (३४) हा उलवे सेक्टर-२३ मध्ये कुटुंबासह राहतो. गत रविवारी सायंकाळी तो उरण राहत असलेल्‍या आईला भेटण्यासाठी गेला होता. (Gold robbery in ulave navi mumbai police filed a complaint against culprit)

रात्री पावणे दहाच्या सुमारास कारने उलवेतील घरी परतत होता. यावेळी राहत असलेल्‍या इमारतीखाली आला असता, पांढऱ्या रंगाच्या ब्रेझा कारमधून आलेल्या सात ते आठ हल्लेखोरांनी रोशनला हॉकी स्टिक व बांबूने हल्ला केला.

त्‍याच्या कारच्या काचा फोडल्या. यावेळी एकाने रोशनवर रिव्हॉल्‍वर रोखून जीवे मारण्याची धमकी देत कारमध्ये असलेले ९ लाख ६० हजार रुपये किमतीची सोनसाखळी व एक ब्रेसलेट लुटले. रोशनने आरडाओरड केल्याने रहिवासी बाहेर येताच हल्लेखोरांनी पळाले. गंभीर जखमी रोशनवर बेलापूर येथील रुग्‍णालयात उपचार सुरू आहेत.