मुंबई : विधवा, घटस्फोटित, एकल महिलांना (divorcee and widow woman) स्वतःच्या पायावर उभे राहता यावे म्हणून महापालिका (bmc) स्वयंरोजगाराची साधने पुरवणार आहे. कोविड काळात (corona) पती गमावलेल्या महिलांचा या योजनेत प्रामुख्याने समावेश करण्यात येणार आहे. महिलांना स्वयंरोजगार (self employment) करता यावा यासाठी महापालिकेमार्फत घरघंटी, शिवणयंत्र, वाती यंत्र अशी उपकरणे विकत घेण्यासाठी अर्थसाह्य केले जाणार आहे.

पालिका हद्दीतील केशरी शिधापत्रिक असलेल्या महिलांकडून यासाठी अर्ज मागवण्यात येत आहेत. २ फेब्रुवारीपर्यंत हे अर्ज उपलब्ध होणार असून, पालिका प्रभाग कार्यालयातील समाज विकास अधिकारी यांच्याकडे हे अर्ज उपलब्ध होणार आहेत, अशी माहिती पालिकेच्या नियोजन विभागामार्फत देण्यात आली. यांना प्राधान्य विधवा, परित्यक्ता, घटस्फोटित, ४० वर्षांवरील अविवाहित महिला, गिरणी कामगार, देवदासी, दारिद्र्य रेषेखालील प्रमाणपत्रधारक महिला, सर्वसाधारण महिला, कोविडमुळे पतीचे निधन झालेल्या महिला.