नवी मुंबई : कमी किमतीत सोने देण्याच्या बहाण्याने (Gold in low price) एका टोळीने हैद्राबाद येथील एका हॉटेल व्यावसायिकाला (Hotel businessman) महापे येथे बोलावून त्याला सोने न देता त्याच्याकडून पाच लाख रुपयांची रोख रक्कम लांबवली. तुर्भे एमआयडीसी पोलिसांनी (turbhe midc police) या टोळीविरोधात फसवणुकीचा (Fraud case filed) गुन्हा दाखल केला आहे. फसवणूक झालेल्या हॉटेल व्यावसायिकचे नाव शमशुद्दीन फरीदउद्दीन (३३) आहे. काही महिन्यांपूर्वी गुजरातमधील हाजीभाई नावाच्या व्यक्तीने शमशुद्दीन याच्याशी फेसबुकद्वारे मैत्री वाढवून त्याच्याशी संवाद सुरू केला होता.

त्यानंतर हाजी भाई याने तो सोने खरेदी-विक्रीचा व्यवसाय करत असल्याचे सांगून सोन्याची छायचित्रे पाठवली. शमशुद्दीन याने सोन्याचा व्यवसाय करण्याची तयारी दर्शवल्यानंतर हाजीभाई याने त्याला गुजरात भुज येथे बोलावून घेतले होते.

तसेच त्याला सोन्याचे बिस्कीट दाखवून हे सोने प्रतिकिलो ४२ लाख रुपयेप्रमाणे असल्याचे सांगितले; मात्र त्याला ८० लाख रुपयांमध्ये दोन किलो सोने देण्याचे आश्वासन देऊन त्याला पाच लाख रुपये आगाऊ देण्यास सांगितले. त्यानुसार पैसे दिले; मात्र हे पैसे घेऊन हाजीभाईने पलायन केले.