वसई : डॉ. बाबासाहेब आंबेडकर यांच्या जयंतीचे औचित्य साधून ५५० फूट उंच असलेल्या नाशिक येथील स्कॉटिश कडा सर करत टीम पॉईंट ब्रेक ॲडवेंचर्सच्या गिर्यारोहकांनी बाबासाहेबांना अनोखी मानवंदना दिली. कड्यावर तिरंगा फडकवत डॉ. बाबासाहेबांचा जयजयकार करण्यात आला.नाशिक येथे हरिहर किल्ल्याची उंची तीन हजार ६७६ इतकी आहे. याठिकाणी स्कॉटिश कडा ९० अंशातील ५५० फूट उंचीवर आहे. कड्यावर चढाई करणे अवघड आहे. यातच प्रचंड उष्णतेची लाट या भागात आहे; परंतु जिद्दीने एकूण २५ सदस्यांनी कड्याची चढाई पार करण्याचा निर्णय घेतला.

निरगुडपाडा गाव येथून सुरुवात केली. अनेक अडथळ्यांचे आव्हान झेलत सदस्यांनी अखेर शेवटचे टोक गाठले. उंचावरून डॉ. बाबासाहेब आंबेडकर यांना मानवंदना देताना सदस्यांचा आवाज सह्याद्रीच्या पर्वत रांगात निनादत होता.

हे सदस्य मोहिमेत सहभागी
टीम पॉईंट ब्रेक ॲडवेंचर्सच्या चेतन शिंदे, जॅकी साळुंके, समीर देवरे, विशाल बोडके, तेजस जाधव, मंदार चौधरी, सिद्धार्थ सुमन, गुलाबराव बाविस्कर, महेश जाधव, अमोल शिंदे, बालाजी जामखेडे, गोकुळ पाटील, सागर शिंदे, प्रज्वल शिंदे, शशी पारसे, राजश्री चौधरी, अनुप इंगोले, सागर चौधरी, माही बारीस, सुवर्णा कांगणे, डॉ. समीर भिसे या गिर्यारोहकांनी मोहीम फत्ते केली.