तंत्रशास्त्र विद्यापीठात बहरला अभियंता वसंत महोत्सव
सकाळ वृत्तसेवा
अलिबाग, ता. १३ : डॉ. बाबासाहेब आंबेडकर तंत्रशास्त्र विद्यापीठात अभियंता वसंत २०२४ महोत्सवाचे आयोजन करण्यात आले होते. तीन दिवस चाललेल्या महोत्सवात विद्यार्थ्यांनी कलागुणांना वाव देत रांगोळी, निबंध स्पर्धा, नाटक, स्टोरी टेलिंग, इन्स्ट्रुमेंट प्लेईंग, डेबिट, वक्तृत्व स्पर्धा, फॅशन शो सादर केले. यावेळी विविध कार्यक्रमांनी महोत्सवात रंगत आणली.
८ ते १० मे या कालावधीमध्ये अभियंता वसंत २०२४ हा सांस्कृतिक कार्यक्रम आयोजित करण्यात आला होता. या कार्यक्रमाचे अध्यक्ष विद्यापीठाचे कुलगुरू डॉ. कारभारी काळे, तसेच कुलसचिव डॉ. अरविंद किवळेकर यांच्या मार्गदर्शनाखाली पार पडला. या निमित्ताने विविध कार्यक्रमांचे आयोजन करण्यात आले होते. विद्यापीठाच्या प्रांगणात झालेला महोत्सव यशस्वी करण्यासाठी कार्यक्रमाचे मुख्य समन्वयक डॉ. गणेश वरखडे, समन्वय प्रा. बालाजी पुलचवाड, प्रा. गीतांजली महामुंकर, प्रमिला पडवळ, दिलीप भिंगारे व विद्यापीठाचे शिक्षक-शिक्षकेतर कर्मचारी आणि विद्यार्थी यांनी कठोर परिश्रम घेतले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.