मुंबई, ता. २९ : महापालिकेने पावसाळापूर्व रस्त्यांच्या सुरक्षात्मक देखभाल काम आणि बॅड पॅचेस आपत्कालीन कार्य ह्यासाठी १२५ कोटी रुपयांचे टेंडर काढले आहे. पालिकेने सुशोभीकरणाचा धडाका लावला आहे. त्याअंतर्गत रस्त्यांच्या काँक्रीटीकरणाची कामेही काढण्यात आली आहेत. यामध्ये दोषदायित्व कंत्राटदारावर आहे. त्यामुळे हे वेगळे टेंडर कशासाठी, असा सवाल माजी विरोधी पक्षनेता रवी राजा यांनी केला आहे. यामध्ये अनियमितता असल्याचे सांगत त्याच्या चौकशीची मागणी रवी राजा यांनी केली आहे.
ही जनतेच्या पैशांची उधळपट्टी असल्याचेही ते म्हणाले. आधीच शेकडो कोटी रुपये हे खड्डे भरण्यासाठी खर्च होत असताना आपत्कालीनच्या नावाखाली १२५ कोटी रुपयांचे टेंडर काढणे म्हणजे मर्जीतल्या काँट्रॅक्टरचे भले करणे इतकाच उद्देश महापालिकेचा दिसत असून पालिकेने यावर स्पष्टीकरण द्यायलाच हवे, अशी मागणीही रवी राजा यांनी केली आहे. लोकप्रतिनिधी नसल्यामुळे महापालिका प्रशासनाला प्रश्न विचारणारे कोणीच नाही. त्यामुळे महापालिकेची मनमानी सुरू आहे. या विषयांत मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी लक्ष घालून कारवाई करावी, अशी विनंतीही त्यांनी केली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.