मुंबई, ता. ३१ : नैसर्गिक वायूची निर्मिती आणि पुरवठा करणाऱ्या गॅस ॲथॉरिटी ऑफ इंडिया (गेल) चा महसूल आणि करोत्तर नफा मागील वर्षीच्या तुलनेत या तिमाहीत घटला आहे.
गेल कंपनीचा केवळ मागील तिमाहीपेक्षा नफा वाढला आहे. त्यांना एप्रिल ते जून या तिमाहीत ३२ हजार २२७ कोटी रुपये महसूल मिळाला. मागील वर्षीच्या याच तिमाहीत त्यांचा महसूल ३७,५७२ कोटी रुपये होता. जानेवारी ते मार्च २०२३ या तिमाहीत त्यांचा महसूल ३२,८५८ कोटी रुपये होता. त्यांना या तिमाहीत १,४१२ कोटी रुपये करोत्तर नफा मिळाला. मागील वर्षीच्या याच तिमाहीत हाच नफा २,९१५ कोटी रुपये होता. मात्र जानेवारी ते एप्रिल या तिमाहीत हा नफा फक्त सहाशे चार कोटी रुपये होता. त्यात या तिमाहीत १३४ टक्के वाढ झाली. नैसर्गिक वायूची विक्री आणि वाहतुकीत वाढ झाल्यामुळे, तसेच नैसर्गिक वायूच्या वाढीव दरांचा लाभ झाल्यामुळे त्यांचा नफा वाढला. या तिमाहीत नैसर्गिक वायूची वाहतूक सात टक्के वाढली, अशी माहिती गेलचे अध्यक्ष आणि व्यवस्थापकीय संचालक संदीप कुमार गुप्ता यांनी दिली. या तिमाहीत गेलने वायू वाहिन्या, पेट्रोकेमिकल प्रकल्प, तसेच अन्य प्रकल्पांमधील भांडवली गुंतवणूक यावर मिळून एकूण २,३९१ कोटी रुपये भांडवली खर्च केला असल्याचे ही त्यांनी सांगितले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.