Mumbai News: वरळी, बीकेसी आणि कांदिवली परिसरातील घसरलेल्या हवेच्या दर्जात आज सुधारणा झाली. शहरातील सर्व परिसरांतील हवा गुणवत्ता निर्देशांक १०० च्या आत नोंदला गेला आहे.
दोन दिवसांपूर्वी वरळीमध्ये २८४, बीकेसीत २१३ आणि कांदिवली २३३ हवा गुणवत्ता निर्देशांकासह हवेचा स्तर ‘वाईट’ नोंदवला होता.
मात्र, दोन दिवसांपासून वातावरणात झालेला बदल आणि समुद्राकडून वारे वाहू लागल्याने हवेचा स्तर सुधारल्याचे जाणकारांचे म्हणणे आहे.
आज मुंबईत हवेचा दर्जा समाधानकारक नोंदवण्यात आला. कोणत्याही परिसरातील हवा गुणवत्ता निर्देशांक १०० च्या वर गेला नाही.
सर्वाधिक स्वच्छ हवेची नोंद वरळी (४० एक्यूआय) येथे झाली. बोरिवली (४९), कुलाबा (५२), भायखळा (५७), विलेपार्ले (५७), चेंबूर (६६), भांडुप (६७), कांदिवली (६७), वांद्रे (६९), पवई (७२) असा निर्देशांक नोंदला गेला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.