मुंबई, ता. १० : डॉ. सौम्या स्वामीनाथन यांना वैद्यकीय क्षेत्रातील योगदानाबद्दल २०२३चा यशवंतराव चव्हाण राष्ट्रीय पुरस्कार जाहीर करण्यात आला आहे. माजी केंद्रीय मंत्री शरद पवार यांच्या हस्ते मंगळवारी (ता. १२) डॉ. सौम्या यांना हा पुरस्कार प्रदान करण्यात येईल. येथील यशवंतराव चव्हाण सेंटरमध्ये मंगळवारी संध्याकाळी पाच वाजता या कार्यक्रमाचे आयोजन करण्यात आले आहे.
राष्ट्रीय एकात्मता, संवैधानिक मूल्यांचे जतन, भारताच्या सामाजिक आणि आर्थिक विकासात योगदान देणाऱ्या व्यक्ती किंवा संस्थेला दरवर्षी यशवंतराव चव्हाण राष्ट्रीय पुरस्कार प्रदान केला जातो. यशवंतराव चव्हाण सेंटरतर्फे हा पुरस्कार दिला जातो. पाच लाख रुपये रोख आणि मानपत्र असे या पुरस्काराचे स्वरूप आहे. ज्येष्ठ अणुशास्त्रज्ञ डॉ. अनिल काकोडकर यांच्या अध्यक्षतेखालील निवड समितीने २०२३च्या पुरस्कारासाठी डॉ. सौम्या स्वामीनाथन यांची निवड केली आहे. वैद्यकीय क्षेत्रातील त्यांच्या योगदानाबद्दल त्यांना हा पुरस्कार दिला जात आहे. राज्याचे पहिले मुख्यमंत्री यशवंतराव चव्हाण यांच्या जन्मदिनी म्हणजेच १२ मार्च रोजी याचे वितरण केले जाईल.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.