Mumbai News: माहीम ते शिवाजी पार्कदरम्यान असलेल्या हिंदुजा चौपाटी येथे पाच जण समुद्रात बुडाल्याची घटना घडली. त्यापैकी दोघांना सुखरूप बाहेर काढण्यात आले, तर दोघांना हिंदुजा रुग्णालयात दाखल करण्यात आले ज्यातील एकाचा मृत्यू झाला. तर पाचव्या मुलाचा मृतदेह आज सकाळी सापडला.

महापालिकेच्या आपत्ती नियंत्रण कक्षाने दिलेल्या माहितीनुसार, हर्ष (वय १९) आणि ओम (वय १७) यांना वाचवल्यानंतर हिंदुजा रुग्णालयात दाखल करण्यात आले. त्यांची प्रकृती चिंताजनक होती. उपचारा दरम्यान त्याचा मृत्यू झाला. शिवाजी पार्क पोलिसांनी गुन्हा दाखल करण्यात आला.

दरम्यान, होळी खेळताना जखमी झाल्याच्या एकूण १३८ घटना महापालिकेच्या विविध रुग्णालयांमध्ये नोंदल्या गेल्या आहेत. नायर, सायन, केईएम आणि कूपर रुग्णालयांमध्ये अधिक प्रकरणे नोंदवली गेली. होळीनिमित्त आज समुद्रकिनाऱ्यांवर नागरिकांनी गर्दी केली होती.