माथेरान, ता.२४ (बातमीदार)ः विजयादशमीच्या दिवशी पूर्वापार चालत आलेली अश्वपुजनाची परंपरा आजही माथेरानमध्ये जपली जात आहे. कारण वाहनांना बंदी असल्याने शहरातील ४० टक्के लोकांचा उदरनिर्वाह हा पर्यटनावरच आहे. त्यामुळे घोड्यापासून मिळणारे उत्पन्न हेच घरातील प्रमुख स्रोत असल्याने घराच्या पोशिंदा प्रतीची आपुलकी जपली जात आहे.
साढेतीन मुहूर्तांपैकी एक असलेल्या विजयादशमी घोडेवाल्यांसाठी अतिशय महत्त्वाचा दिवस असतो. या दिवशी सकाळी घोड्याचा तबला स्वच्छ धुऊन चकाचक केला जातो. काही अश्वमालक तबेल्यांमध्ये रांगोळी काढतात. तसेच घोड्यांना बाहेर काढल्यानंतर गृहिणींकडून त्याची यथोचित पूजा केली जाते. पूजनानंतर घोड्याला त्याच्या आवडीचे खाद्य दिले जाते. यावेळी काही घोड्यांवर झुल तर काही घोडे फुलांनी तर काही घोड्याच्या केसांना वेणी बांधून फुग्यांनी सजवले जात असल्याने अश्वपूजनचा हा सोहळा पर्यटकांसाठी आकर्षण ठरत आहे.
विजयादशमीला आगळेवेगळे महत्त्व
१९९५ अगोदर जास्त पाऊस आणि दळणवळण नसल्याने माथेरानमध्ये पर्यटकांचा वानवा होता. यामुळे व्यवसाय नसल्याने घोडा तबेल्यातच बांधला जात होता. त्यामुळे दसऱ्याच्या दिवशी पुन्हा व्यवसायासाठी हा घोडा तबेल्यातून बाहेर काढला जात होता. त्यामुळे दसऱ्याच्या दिवशी नवीन व्यावसायिक वर्षाची सुरुवात होत असल्याचे अश्वचालक मानतात. तसेच हा दिवस विजय दिन म्हणूनही साजरा करतात.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.