नवीन पनवेल, ता. १० (वार्ताहर) : रोडपाली येथील बांधकाम व्यावसायिकाकडून ३५ हजार रुपयांची खंडणी मागितल्याप्रकरणी बाबू या व्यक्तीविरोधात कळंबोली पोलिस ठाण्यात खंडणी आणि ॲट्रॉसिटीअंतर्गत गुन्हा दाखल झाला आहे. रोडपाली येथील जीवन गायकवाड ७ एप्रिल रोजी घरी येत असताना सुधागड शाळेजवळ त्यांना परिचयाच्या धरम याच्या मोबाईलवर एक फोन आला. त्याने एकजण पैशांची मागणी करत असल्याचे सांगितले. त्यानंतर धरमचा फोन पिन्याने घेतला व जत्रेच्या बाहेर लावलेल्या स्टॉलधारकांकडून पैसे वसुली करण्यास महेश शेट्टीने सांगितले असल्याचे कळवले. काही वेळाने जीवन गायकवाड कळंबोली पेट्रोल पंप येथील जत्रेच्या ठिकाणी असताना बाबू हा तेथे आला. त्याने महेश शेट्टी, विकी देशमुख आणि पिन्या यांच्या टोळीने वसुली करण्यास पाठवले असून ३५ हजारची मागणी जीवन यांच्याकडे केली. या मागणीला नकार देत जीवन यांनी कळंबोली पोलिस ठाणे गाठून तक्रार दाखल केली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.