पालघर, ता. १० (बातमीदार) : तालुक्याची वार्षिक आमसभा शुक्रवारी (२८ एप्रिल) पालघर येथील माध्यमिक शिक्षक पतपेढी भवन हॉल येथे आमदार राजेश पाटील यांच्या अध्यक्षतेखाली होणार आहे. या सभेला आमदार श्रीनिवास वनगा सहअध्यक्ष म्हणून उपस्थित राहणार आहेत. नागरिकांना विविध विभागांशी संबंधित असलेल्या कामांबाबत काही सूचना, प्रस्ताव असल्यास त्या १७ एप्रिलपर्यंत पंचायत समिती कार्यालय पालघर येथे कार्यालयात लेखी स्वरूपात सादर करावेत. तसेच आयत्या वेळच्या विषयात काही ठराव, प्रस्ताव असल्यास ते सभेपूर्वी सात दिवस अगोदर या कार्यालयात द्यावेत, असे आवाहन पालघर पंचायत समितीकडून करण्यात आले आहे.
.....
विरारमध्ये रोजगार मेळावा
वसई (बातमीदार) : विरार येथे डॉ. बाबासाहेब आंबेडकर यांच्या जयंतीनिमित्त महात्मा फुले व डॉ. बाबासाहेब आंबेडकर जयंती उत्सव समितीच्या माध्यमातून शुक्रवारी टोटाळे तलावाजवळील महापालिका वाचनालय इमारत येथे सकाळी १० ते दुपारी ३ वाजता रोजगार मेळाव्याचे आयोजन करण्यात आले आहे. या रोजगार मेळाव्यात बँक, इन्शुरन्स, सेल्स मार्केटिंग, फिल्ड वर्क प्रमोटर, सिक्युरिटी गार्ड, बॅंक ऑफिस, डाटा एन्ट्री, टेलीकॉलर अशा विविध क्षेत्रात नोकऱ्यांची संधी उपलब्ध करून दिली जाणार आहे. जास्तीत जास्त नागरिकांनी मेळाव्यात सहभागी होण्याचे आवाहन संस्थेच्या वतीने करण्यात आले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.