ठाणे, ता. २५ (वार्ताहर) ः ठाण्यातील पोलिस अधिकाऱ्यांच्या बदल्या आणि पदोन्नत्या करण्यात आल्या आहेत. अपर पोलिस आयुक्त (गुन्हे) पदावर कार्यरत असलेले अशोक मोराळे यांची बदली नागपूर येथे विशेष पोलिस महानिरीक्षकपदी करण्यात आली आहे; तर त्यांच्या जागेवर अपर पोलिस आयुक्त पश्चिम प्रादेशिक विभाग पंजाबराव उगले यांची नियुक्ती करण्यात आली आहे. ठाणे पोलिस आयुक्त जयजितसिंग यांची बढती पोलिस महासंचालक म्हणून झाली आहे. तूर्तास ते ठाण्यातच कार्यरत राहणार आहेत.

ठाणे पोलिस आयुक्त जयजितसिंग यांची पदोन्नती झाल्यानंतरही ठाणे पोलिस आयुक्त हा चार्ज त्यांच्याकडेच तूर्तास आहे; तर नागपूर राज्य राखीव दलाचे विशेष पोलिस महानिरीक्षकपदी मोराळे यांची बदली करण्यात आली आहे. ठाणे आयुक्तालयात मोराळे यांच्या रिक्तपदी अप्पर पोलिस आयुक्त पश्चिम प्रादेशिक विभागाचे पंजाबराव उगले यांची वर्णी लागलेली आहे. तूर्तास ठाणे आयुक्तपदी जयजितसिंग असले तरीही येणाऱ्या काळात ठाणे आयुक्तपदी वर्णी कुणाची हे अद्याप स्पष्ट झालेले नाही.