लोकमान्य सोसायटीचे स्नेहसंमेलन
मुंबई, ता. २९ ः लोकमान्य मल्टिपर्पज को. ऑप. सोसायटीच्या बोरिवली पश्चिम शाखेने १०० कोटी ठेवींचे उद्दिष्ट गाठले आहे. या निमित्ताने स्नेहसंमेलन व ग्राहक मेळाव्याचे आयोजन नुकतेच पार पडले. या समारंभास खासदार गोपाळ शेट्टी, ‘जाई काजळ’चे राजेश गाडगीळ, निवृत्त प्राध्यापिका स्वाती सराफ, लोकमान्य सोसायटीचे संचालक गजानन धामणेकर, विठ्ठल प्रभू, संचालिका गायत्री काकतकर, बेळगाव महापालिकेचे माजी नगरसेवक बाळासाहेब काकतकर यांची प्रमुख उपस्थिती होती. प्रारंभी प्रमुख पाहुण्यांच्या हस्ते दीपप्रज्वलन आणि लोकमान्य टिळकांच्या प्रतिमेचे पूजन करण्यात आले. लोकमान्य सोसायटीच्या संचालकांनी व्यासपीठावरील मान्यवरांचा सत्कार केला.
गजानन धामणेकर यांनी संस्थेच्या कार्याचा आढावा घेतला व लोकमान्य सोसायटीच्या विविध प्रकल्पांविषयी सविस्तर माहिती देतानाच चांगल्या ग्राहकसेवेची ग्वाही दिली. बोरिवली पश्चिम शाखेने १०० कोटी ठेवींचे उद्दिष्ट गाठल्याबद्दल अभिनंदन केले. या वेळी स्वाती सराफ यांनी संस्थेच्या संचालक मंडळ आणि सर्व कर्मचाऱ्यांचे अभिनंदन केले व संस्थेच्या विविध उद्योगांचे कौतुक केले. त्यांनी आपल्या भाषणात संस्थेच्या ग्राहक सेवेबद्दल समाधान व्यक्त केले आणि संस्थेच्या सामाजिक कार्याचे कौतुक केले. खासदार गोपाळ शेट्टी यांनी आपल्या अभ्यासपूर्ण भाषणातून उपस्थितांना आर्थिक गुंतवणूक आणि सहकारी संस्था याविषयी सविस्तर माहिती दिली व लोकमान्य सोसायटीला चांगल्या भविष्यासाठी शुभेच्छा दिल्या. ‘जाई काजळ’चे राजेश गाडगीळ यांनी बोरिवली शाखेने अल्पावधीत १०० कोटींचे उद्दिष्ट गाठल्याबद्दल विशेष कौतुक केले. या कार्यक्रमाला लोकमान्यचे सीईओ अभिजित दीक्षित, मुंबई क्षेत्रीय व्यवस्थापक रमेश शिरसाट, उपव्यवस्थापक अतुल परब, नागेश नलावडे, देवरथ कारंडे, सत्यव्रत नाईक, सागर तायडे, सतीश सोनार व बोरिवली पश्चिम शाखा कर्मचारी वर्ग उपस्थित होते. लोकमान्य सोसायटीचे मुंबई क्षेत्रीय व्यवस्थापक रमेश शिरसाट यांनी उपस्थितांचे आभार मानले व सर्व ग्राहकांचे विशेष आभार व्यक्त केले. या वेळी सुगम मराठी हिंदी गाण्यांचा कार्यक्रम आयोजित केला होता. प्रसिद्ध गायक कलाकार मंदार आपटे, दीपाली देसाई व हर्षवर्धन वावरे यांच्या गीतांचा कार्यक्रम संपन्न झाला. हेमंत बर्वे यांनी आपल्या खुमासदार शैलीत निवेदन सादर करून उपस्थितांची मने जिंकली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.