कोपरखैरणे, ता. १ (बातमीदार) : समाजातील रूढी परंपरेनुसार वैयक्तिक लग्न खर्च सध्याच्या परिस्थितीत लोकांना शक्य होत नाही. यापुढे अशा परंपरा बंद व्हाव्यात यासाठी कोयना सोळशी कांदाटी सामाजिक विकास संस्थेच्या वतीने सामुदायिक विवाह सोहळा कोपरखैरणे येथील शेतकरी हॉलमध्ये पार पडला. रविवार ३० एप्रिल दुपारी ठिक १२.३३ च्या शुभमुहूर्तावर चार जोडपी लग्न बेडीत गुंफली गेली.
बारा वर्षांपासून सातारा महाबळेश्वर येथे तळतदेव या ठिकाणी होत असलेला हा कार्यक्रम कोरोनाकाळात झाला नाही. आता नवी मुंबईत हा सोहळा प्रथमच झाला. संस्थेकडून संसार उपयोगी भांडी, हॉल, जेवण, वाजंत्री असा कोणताही खर्च वधू-वर यांच्याकडून घेतला नाही. त्यांना प्रवास खर्चही दिला आहे. यावेळी पारंपरिक ढोल, लेझीम, गावाकडील लग्न गीते महिलांनी सादर करून कार्यक्रमाचा आनंद घेतला. आमदार गणेश नाईक, मराठा महासंघाचे अध्यक्ष नरेंद्र पाटील, माजी आमदार संदीप नाईक, नवी मुंबई जिल्हाध्यक्ष नामदेव भगत, नवी मुंबईतील आजी-माजी नगरसेवक, महाबळेश्वर तालुका प्रतिष्ठान नवी मुंबई अध्यक्ष सुरेश शिंदे, महाबळेश्वर महिला मंडळ घाटकोपर अध्यक्षा जयश्री जाधव उपस्थित होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.