मुरबाड, ता. २ (बातमीदार) : तालुक्यातील दुर्गम भागात असलेल्या मोरोशी प्राथमिक आरोग्य केंद्रात रात्रीच्या वेळी कोणीही डॉक्टर उपलब्ध नसल्याने गुरुवारी (ता. २७) रात्री नऊ वाजता प्रसूतीसाठी गेलेल्या महिलेला दुसऱ्या दवाखान्यात नेण्याची वेळ नातेवाईकांवर आली. या ठिकाणी रात्रीच्या वेळेस डॉक्टरांना वस्तीला राहण्याची व्यवस्था असूनही तेथे डॉक्टर राहत नाहीत. त्यामुळे या प्रकरणाची चौकशी करण्याची मागणी ठाणे जिल्हा परिषदेचे माजी सदस्य सुभाष घरत यांनी केली आहे.
मोदळवाडी येथील उषा प्रवीण भला या गर्भवती महिलेला रात्री नऊच्या सुमारास नातेवाईकांनी मोरोळी प्राथमिक आरोग्य केंद्रात प्रसूतीसाठी दाखल केले होते; मात्र तेथे डॉक्टर उपलब्ध नसल्याने तेथील रुग्णवाहिकेतून तिला टोकावडे ग्रामीण रुग्णालयात दाखल करण्यात आले. त्याच दिवशी रात्री अकरा वाजता न्याहाडी गावचे सरपंच भाऊ पारधी व वैभव सरोदे हे एका आजारी लहान मुलाला मोरोशी प्राथमिक आरोग्य केंद्रात घेऊन गेले असता दवाखान्यात कुलूप लावले होते. त्यामुळे मुलाला उपचारासाठी अन्य ठिकाणी नेण्यात आले.
--------------------
२१ हजार लोकसंख्येचा भार
माळशेज घाटाच्या पायथ्याशी असलेल्या मोरोशी प्राथमिक आरोग्य केंद्रांतर्गत २६ गावे व ३५ पाड्यांतील सुमारे २१ हजार लोकसंख्येचा परिसर आहे. या भागात आदिवासी लोकसंख्या जास्त आहे. मोरोशी आरोग्य केंद्रात पुरेसे डॉक्टर असूनही तेथे कोणी राहत नसल्याने परिसरातील आदिवासी बांधवांना आरोग्याच्या समस्यांना सामोरे जावे लागत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.