भिवंडी, ता. २ (बातमीदार) : शहरात दुपारी १२ वाजता आणि सायंकाळी ४ वाजता झालेल्या एक तासाच्या मुसळधार पावसाने रस्ते चिखलमय झाले असून नागरिकांना रस्त्यावर चालणे कठीण झाले होते. शहरातील गटारे महापालिकेच्या स्वच्छता विभागाकडून नियमित साफ होत नसल्याने आणि रस्त्यावरील पाणी गटारांत जाण्यासाठी जागा नसल्याने रस्त्यावर पावसाचे पाणी साचून ठिकठिकाणी चिखलाचे साम्राज्य झाल्याचे चित्र मंगळवारी निर्णाण झाले होते.
शहरातील जवळजवळ सर्वच रस्त्यांवर खड्डे झाले आहेत. ते खड्डे न भरल्याने खड्ड्यात पाणी साचले होते. शहरातील बाजारपेठ आणि भाजी मार्केटमधील रस्त्यावर नियमित झाडू न मारल्याने तेथील रस्त्यावरील कचऱ्यावर पाणी साचून चिखल साचला. त्यामुळे खरेदीदारांना चिखलामधून वाट काढण्यासाठी कसरत करावी लागली; तर शहरातील नादुरुस्त रस्त्यांची स्थिती भयंकर झाल्याने नागरिकांना रिक्षात बसून प्रवास करावा लागला. त्यामुळे त्यांना आर्थिक भारही सहन करावा लागला. एक महिन्यावर पावसाळा आला असून महापालिकेने पावसाळ्यापूर्वी करण्याची कामे सुरू करावीत, अशी मागणी नागरिकांकडून केली जात आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.