सकाळ वृत्तसेवा
मुंबई, ता. ६ : मेट्रो मार्गिका ५ प्रकल्पातील धामणकर नाका ते टेमघर दरम्यानच्या मूळ नियोजित उन्नत मार्गिकेचा भूमिगत मेट्रो मार्गिकेत बदल करण्यास राज्य सरकारने मंजुरी दिली आहे. एमएमआरडीएने याबाबतचा प्रस्ताव राज्य सरकारला सादर केला होता.
राज्य शासनाने मुंबई मेट्रो रेल्वे मार्ग ५ ठाणे-भिवंडी-कल्याण या ८,४१७ कोटी रुपये किमतीच्या पूर्णतः उन्नत मेट्रो प्रकल्पाची एमएमआरडीएमार्फत उभारणी करण्यास २१ डिसेंबर २०१७ रोजी मान्यता दिली होती. प्रकल्पाच्या मूळ मंजूर डीपीआरनुसार या मेट्रो मार्गाची उन्नत मार्गिका ठाण्यातील कापूरबावडी येथून ठाणे-भिवंडी रस्त्याने भिवंडी शहरातील राजीव गांधी चौक येथून कल्याण रोड मार्गावरून राजनोली ते दुर्गाडीपर्यंत व त्यापुढे कल्याण शहरातून कल्याण-शीळ रोड मार्गे कल्याण एपीएमसीपर्यंत प्रस्तावित करण्यात आली आहे. पहिल्या टप्प्यातील ठाणे ते भिवंडी मार्गिकेचे ७९ टक्के भौतिक कामे पूर्ण झाली आहेत. तर टप्पा २ भिवंडी ते कल्याण मार्गिकेतील भिवंडी शहरातील राजीव गांधी चौक ते साईबाबा मंदीर, टेमघरपर्यंत सुमारे ३ कि. मी. लांबीमध्ये मोठ्या प्रमाणात पुनर्वसन व पुनर्वसाहतसंबंधी समस्या असल्यामुळे टप्पा-२ ची स्थापत्य कामे अद्याप हाती घेण्यात आलेली नाहीत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.