‘नो हॉकिंग डे’ मोहिमेंतर्गत जनजागृती
वडाळा, ता. १४ (बातमीदार) ः वाहनांचे हॉर्न विनाकारण व कर्कश वाजविल्यामुळे वातावरणामध्ये ध्वनिप्रदूषण होऊन मानवी आरोग्यावर विपरीत परिणाम होतो. यावर नियंत्रण मिळवण्यासाठी वाहनचालकांमध्ये वाहनांचा हॉर्न वाजविण्याच्या प्रवृत्तीवर आळा घालण्याच्या उद्देशाने समाजसेवक अशोक कुर्मी व त्यांच्या सहकाऱ्यांच्या मदतीने बुधवारी (ता. १४) सायन सर्कल येथे ‘नो हॉकिंग डे’ मोहीम राबवण्यात आली. या वेळी वाहनचालकांना सूचित करण्यात आले की, त्यांनी त्यांच्या मोटार वाहनांचे हॉर्न केंद्रीय नियमानुसार असल्याबाबत खात्री करावी. विनाकारण हॉर्न वाजविणाऱ्या वाहनचालकांवर कारवाई करण्यात येईल. तसेच ‘नो हॉकिंग डे’ यशस्वी करण्यासाठी सर्व वाहनचालकांनी सकारात्मक प्रतिसाद द्यावा, असे आवाहनदेखील या वेळी वाहतूक नियंत्रण शाखा, मुंबई यांच्या वतीने करण्यात आले. या मोहिमेत सहभागी स्वयंसेवकांनी हातात स्टिकर फलक व चेहऱ्यावर मुखवटे लावून वाहनचालकांमध्ये जनजागृती केली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.