भिवंडी, ता. ३१ (बातमीदार) : मोबाईलवर पबजी गेम खेळण्याच्या वादातून मित्रावर धारदार हत्याराने वार करून त्याला गंभीर जखमी केल्याची घटना भिवंडीत घडली आहे. याप्रकरणी हल्लेखोर मित्रावर कोनगाव पोलिस ठाण्यात गुन्हा दाखल करण्यात आला आहे. सनी बंडू कापडी (वय २०) असे गुन्हा दाखल झालेल्या हल्लेखोराचे नाव आहे; तर आकाश नाना महाजन (वय २०) असे हल्ल्यात जखमी झालेल्याचे नाव आहे. काही दिवसांपूर्वी जखमी आकाश व सनी हे दोघे मित्र मोबाईलवर पबजी गेम खेळत होते. दरम्यान, आकाशने सनीला गेम खेळताना अश्लील शिव्यांची कमेंट केल्याने दोघांत वाद झाला होता. रविवारी (ता. ३०) पुन्हा पबजी गेममध्ये शिवीगाळ केल्याचा वाद उफाळून येताच सनीने अचानक आकाशवर धारदार हत्याराने वार करत त्याला गंभीर जखमी केले. त्यानंतर जखमी अवस्थेत आकाशला रुग्णालयात उपचारासाठी दाखल करण्यात आले. याप्रकरणी कोनगाव पोलिस ठाण्यात सोमवारी (ता. ३१) पहाटे गुन्हा दाखल करण्यात आला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.