भिवंडी, ता. २१ (बातमीदार) : स्वातंत्र्याच्या अमृतमहोत्सवी वर्षानिमित्ताने महाराष्ट्रातील औद्योगिक प्रशिक्षण संस्थांमध्ये तयार करण्यात आलेल्या ७५ स्मार्टरूमचे (व्हर्च्युअल क्लासरूम) मुख्यमंत्री एकनाथ शिंदे यांच्या हस्ते ऑनलाईन पद्धतीने उद्घाटन करण्यात आले. यामध्ये ठाणे जिल्ह्यातील भिवंडी येथील औद्योगिक प्रशिक्षण संस्थेचा समावेश आहे.
सध्याच्या आधुनिक युगात गत बुधवारपासून कार्यान्वित झालेल्या स्मार्ट क्लासरूमचा उपयोग विद्यार्थी वर्गाला त्यांच्या कौशल्य वाढीकरिता व स्वतःचे नवनवीन उद्योग सुरू करण्यास होणार आहे, तसेच या माध्यमातून विद्यार्थ्यांना रोजगाराच्या नवीन संधी उपलब्ध होणार आहेत. विद्यार्थ्यांनी या संधीचा पुरेपूर वापर करावा. तसेच यामधून ग्रामीण भागातील विद्यार्थी वर्गाचा सर्वांगीण विकास होऊन महाराष्ट्र राज्याची प्रगती निश्चित होईल, असा मला आत्मविश्वास वाटतो. असे प्रतिपादन भिवंडीच्या औद्योगिक प्रशिक्षण संस्थांमध्ये झालेल्या कार्यक्रमात संस्था व्यवस्थापन समितीचे अध्यक्ष रवींद्र नागरे यांनी केले. पुढे ते म्हणाले, भविष्यात व्हर्चुअल क्लासरूम हाच शिक्षणाचा पर्याय असणार आहे. आजच्या या व्हर्चुअल क्लासरूमच्या उद्घाटनप्रसंगी तुम्हा सर्व विद्यार्थी वर्गाला, पालकांना आणि शिक्षकांना शुभेच्छा देतो. याप्रसंगी भिवंडी महापालिकेचे मुख्य वैद्यकीय अधिकारी डॉ. बुशरा सय्यद, पालिका प्राथमिक विभागाच्या शिक्षण अधिकारी निहाला मोमीन, भिवंडी औद्योगिक प्रशिक्षण संस्थांच्या प्राचार्या सीमा महाजन उपस्थित होत्या. कार्यक्रमाचे सूत्रसंचालन विजय जाधव यांनी केले; तर आर. एम. परपटे यांनी आभार प्रदर्शन केले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.