सकाळ वृत्तसेवा
डोंबिवली, ता. २१ : कल्याणमध्ये एकतर्फी प्रेमातून अल्पवयीन मुलीची हत्या झाल्याची घटना ताजी असतानाच एका शाळेमध्ये पाच वर्षीय मुलावर लैंगिक अत्याचाराचा प्रयत्न झाल्याची घटना शुक्रवारी (ता. १८) उघडकीस आली आहे. शाळेत नृत्य शिकवण्यासाठी येणाऱ्या शिक्षकानेच या मुलावर लैंगिक अत्याचाराचा प्रयत्न केला आहे. याप्रकरणी नृत्य शिक्षक समीर कदम याला कोळसेवाडी पोलिसांनी ताब्यात घेतले असून चौकशी सुरू केली आहे. कल्याण पूर्वेतील गुन्हेगारी कधी थांबणार, हा प्रश्न यानिमित्ताने उभा राहिला आहे.
कल्याण पूर्वेतील एका शाळेत हा धक्कादायक प्रकार घडला आहे. पाच वर्षीय मुलगा आई-वडिलांना आपल्याला ‘बॅड टच’ झाल्याचे सांगत होता. सुरुवातीला त्याचे आई-वडील गोंधळले; मात्र मुलगा त्याच्यासोबत काही तरी अनैतिक प्रकार घडला आहे, असे सांगत असल्याने पालकांनी चौकशी केली. ही घटना शुक्रवारी घडली होती. शनिवार, रविवारी शाळा बंद होती. सोमवारी आई-वडील शाळेत पोहोचले आणि शाळेला माहिती दिल्यानंतर घटना समोर आली. मुलासोबत शाळेच्या शौचालयात लैंगिक अत्याचार करण्याचा प्रयत्न करण्यात आला होता. हे कृत्य शाळेत नृत्य शिकवणाऱ्या समीर कदम याने केल्याचे उघड झाले. याप्रकरणी कोळसेवाडी पोलिसांनी समीरला ताब्यात घेत तपास सुरू केला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.