सकाळ वृत्तसेवा
मुंबई, ता. २२ : परतीच्या रेल्वे प्रवाशांची अतिरिक्त गर्दी लक्षात घेऊन मध्य रेल्वेच्या ६० विशेष गाड्यांना मुदतवाढ देण्यात आली आहे. त्यामुळे दिवाळीच्या सुट्टीत गावी गेलेल्या प्रवाशांना मोठा दिलासा मिळणार आहे.
मध्य रेल्वेने दिलेल्या माहितीनुसार, ट्रेन क्रमांक ०२१३९ सीएसएमटी-नागपूर २० नोव्हेंबर २०२३ पर्यंत द्वि-साप्ताहिक विशेष अधिसूचित करण्यात आले होती. ती आता २८ डिसेंबर २०२३ पर्यंत वाढविण्यात आली आहे. ट्रेन क्रमांक ०२१४० नागपूर-सीएसएमटी द्वि-साप्ताहिक विशेष ३० डिसेंबर २०२३ पर्यंत वाढविण्यात आली आहे. ट्रेन क्रमांक ०२१४४ नागपूर-पुणे साप्ताहिक विशेष २८ डिसेंबर, ट्रेन क्रमांक ०२१४३ पुणे-नागपूर साप्ताहिक विशेष २९ डिसेंबर २०२३ पर्यंत वाढविण्यात आली आहे. ट्रेन क्रमांक ०११२७ लोकमान्य टिळक टर्मिनस-बल्हारशाह साप्ताहिक विशेष २६ डिसेंबर २०२३, ट्रेन क्रमांक ०११२८ बलहारशाह-लोकमान्य टिळक टर्मिनस २७ डिसेंबर २०२३, ट्रेन क्र. ०१४३९ पुणे-अमरावती द्वि-साप्ताहिक विशेष ३१ डिसेंबर २०२३, ट्रेन क्रमांक ०१४४० अमरावती-पुणे द्वि-साप्ताहिक विशेष १ जानेवारी २०२४ पर्यंत वाढविण्यात आली आहे. मुदत वाढवण्यात आलेल्या ६० विशेष गाड्यांचे सविस्तर आरक्षण भारतीय रेल्वेच्या सर्व आरक्षण केंद्रांवर आणि आयआरसीटीच्या संकेतस्थळावर सुरू होणार आहे.