नागोठण्याजवळील सुकेळी येथील ‘जिंदाल’ या पोलादी पाईपचे उत्पादन करणाऱ्या कंपनीत पाईप उचलण्याचे काम कौलेश करत होते. त्या वेळी एक पाईप पडून त्याखाली दबून कौलेश बलदेव राय (वय ४६, रा. जिंदाल कॉलनी) याचा मृत्यू झाल्याची घटना शनिवारी (ता. ३) घडली.

कौलेश हा कामगार ईआरडब्लू डिस्पॅच विभागात लोडिंग हेल्परचे काम करीत होता. पाईप क्रेनच्या साह्याने ट्रकमध्ये ठेवण्याकरिता कौलेश हा रॅकवर चढला होता. त्यातील एक पाईप घसरून कौलेश राय याच्या अंगावर पडला. त्याचा कमरेखालील भाग दोन पाईपच्या मधे दबला गेला. जखमी कौलेश यास तत्काळ जिंदाल कंपनीच्या रुग्णालयात नेण्यात आले;

मात्र तेथे डॉक्टरांनी त्यास मृत घोषित केले. या घटनेची नोंद नागोठणे पोलिस ठाण्यात अकस्मात मृत्यू अशी करण्यात आली आहे. वरिष्ठ सहायक पोलिस निरीक्षक हरेश काळसेकर यांच्या मार्गदर्शनाखाली उपनिरीक्षक एस. बी. चव्हाण करीत आहेत.