Mumbai Train News: कोकणातील प्रसिद्ध आंगणेवाडी जत्रेकरिता मुंबईतून जाणाऱ्या भाविकांची अतिरिक्त गर्दी लक्षात घेऊन कोकण रेल्वेने लोकमान्य टिळक टर्मिनस (एलटीटी) ते करमाळी या स्थानकांदरम्यान विशेष रेल्वे चालविण्याचा निर्णय घेतला आहे.

ट्रेन क्र. ०१०४३ एलटीटी-करमाळी विशेष गाडी शुक्रवार, १ मार्च रोजी रात्री १०.१५ वाजता सुटून करमाळी येथे दुसऱ्या दिवशी सकाळी १० वाजता पोहोचणार आहे. ट्रेन क्र. ०१०४४ करमाळी-एलटीटी स्पेशल ट्रेन रविवारी (ता. ३) दुपारी ३.२०ला सुटून एलटीटीला दुसऱ्या दिवशी पहाटे ३.४५ ला पोहोचेल.(Anganvadi News)

या रेल्वेला ठाणे, पनवेल, रोहा, माणगाव, वीर, खेड, चिपळूण, सावर्डे, संगमेश्वर रोड, रत्नागिरी, आडवली, विलवडे, राजापूर रोड, वैभववाडी रोड, कणकवली, सिंधुदुर्ग, कुडाळ, सावंतवाडी रोड आणि थिविम स्थानकांवर थांबा दिला आहे. २१ डब्यांची एलएलबी कोचची ही स्पेशल ट्रेन धावणार असून, तिचे आरक्षण २६ फेब्रुवारीपासून सुरू होणार आहे.