संत रोहिदास मार्गावर वाहतूक कोंडी
मालवाहतुकीमुळे रहदारीला अडथळा
धारावी, ता. १० (बातमीदार) : धारावीतील संत रोहिदास मार्ग हा मुंबईतील एक महत्त्वाचा रस्ता आहे. या रस्त्यावर वाहतूककोंडी झाल्यावर त्याचा ताण मुंबईतील वाहतुकीवर होतो. दुकानदार व फेरीवाल्यांचा माल वाहतूक करणारे टेम्पो, ट्रक रस्त्यावरच उभे करून व्यापाऱ्यांना माल दिला जातो, त्यामुळे सतत वाहतूक कोंडी होते.
सकाळ-दुपार व संध्याकाळी रस्त्यावर हे वाहनचालक व माल विक्रेते भाजीपाला, फळे, किराणा माल घेऊन येतात व बिनदिक्कतपणे माल उतरवतात. त्यांना वाहतूक पोलिस व वाहतूक नियमांची कसलीच भीती वाटत नाही. त्यामुळे रस्त्यावर सतत वाहतूक कोंडी पाहायला मिळते. एखाद्या पादचाऱ्याने अथवा दुसऱ्या वाहनचालकाने याबाबत विचारणा केल्यावर शिवीगाळ करणे, दादागिरी केली जाते.
अनेकदा वादावादीचे रूपांतर हाणामारीत होण्याचे प्रकार वाढत चालले आहेत. यावर कुणाचेही नियंत्रण नसल्याने इथे दहशतीचे वातावरण निर्माण झाले आहे. यावर संबंधित विभागाच्या अधिकाऱ्यांनी गांभीर्याने लक्ष द्यावे, अशी मागणी प्रवाशांनी केली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.