लघु उद्योजकांसाठी कॅप्टनबिझचे
ऑल-इन-वन डिजिटल बिलिंग सॉफ्टवेअर
मुंबई, ता. १४ ः कॅप्टनबिझ हे ऑल-इन-वन डिजिटल बिलिंग सॉफ्टवेअर, मुंबई-नागपूर-पुणे यांसारख्या शहरातील लघु उद्योजक आणि किराणा व्यवसायासारख्या अनेक व्यवसायांसाठी फायदेशीर ठरणार असल्याचे कॅप्टनबिझचे मुख्य कार्यकारी अधिकारी यशराज वकील यांनी पत्रकारांना सांगितले. 
कंपनी येत्या काही दिवसांत अनेक छोट्या-मोठ्या शहरांमध्ये आपला विस्तार करणार असल्याचेही ते म्‍हणाले. या सॉफ्टवेअरमुळे एमएसएमईंना त्यांचे दैनंदिन आर्थिक व्यवहार सुलभतेने करता येतील. त्‍यासाठी या सॉफ्टवेअरमध्ये अनेक वैशिष्ट्ये असल्याचेही ते म्हणाले.
छोट्या व्यावसायिकांना अचूकपणे इनव्हॉईस तयार करणे, जीएसटी नियमांचे व्यवस्थित पालन करणे, या त्यांच्या गरजा पूर्ण करता येतील. वापरकर्ते कॅप्टनबिझचा वापर करून ई-इनव्हॉइससाठी नोंदणी करू शकतात. जीएसटीएन वेबसाइटला भेट न देता थेट प्लॅटफॉर्मवर इनव्हॉइस तयार करू शकतात. वापरकर्ता आमचे बिलिंग सॉफ्टवेअर केव्हाही, कुठेही, विविध प्लॅटफॉर्मवर, वेब, मोबाईल आणि स्मार्टवॉच आदींवर वापरू शकतो, असेही ते म्हणाले.